Lintho Tse Tharo Tse ka re Thusang ho Tšepa Jehova

Davida o ile a khona ho hlola Goliathe hobane o ne a tšepile Jehova. (1Sa 17:45) Jehova o batla ho sebelisa matla a hae ho thusa batho ba hae. (2Likr 16:9) Re ka tšepa thuso eo Jehova a re fang eona joang ho e-na le ho tšepa bokhoni le boiphihlelo ba rona? Re ka thusoa ke lintho tsena tse tharo:

• Lula u Rapela. Ha u entse phoso u se ke oa rapella feela hore Molimo a u tšoarele empa u rapele le ha u lekeha ho etsa ntho e fosahetseng. (Mat 6:12, 13) Pele u etsa qeto, rapela Jehova hore a u fe bohlale ’me a u tataise.​—Jak 1:5

• Bala Bibele ’me u ithute kamehla. Bala Bibele letsatsi le letsatsi. (Pes 1:2) Nahanisisa ka seo u ithutang sona ka Bibeleng ’me u se sebelise bophelong ba hao. (Jak 1:23-25) Lokisetsa pele u ea tšimong ho e-na le ho tšepa bohlale ba hao. U tla rua molemo haeba u lokisetsa lintho tseo re tla ithuta tsona libokeng esale pele.

• Tsamaisana le mokhatlo oa Jehova. Tsamaisana le tataiso ea mokhatlo ea morao-rao ’me u e latele hang-hang. (Nu 9:17) Mamela ha baholo ba u fa keletso le tataiso.​—Heb 13:17

SHEBELLANG VIDEO EA HA HO NA LEBAKA LA HO TŠABA MAHLORISO EBE LE ARABA LIPOTSO TSE LATELANG:

• Bara le barali babo rona ba ne ba tšaba eng?

• Ba thusitsoe ke’ng hore ba hlole tšabo?