Tšepa Jehova ha U E-na le Mathata a Lichelete

Bophelo bo boima mehleng ena ea bofelo. Ha bofelo ba lefatše bo ntse bo atamela, mathata a tla ’ne a eketsehe. Ka linako tse ling, re ka haelloa ke lintho tsa ho iphelisa. (Hab 3:16-18) Ke’ng e ka re thusang hore re sebetsane le mathata a lichelete? Re lokela ho tsoela pele re tšepile Molimo oa rona Jehova. O tšepisitse ho hlokomela bahlanka ba hae. Kahoo, re ka kholiseha hore o tla re fa lintho tseo re li hlokang.​—Pes 37:18, 19; Heb 13:5, 6.

Seo u ka se etsang:

• Kopa Jehova hore a u tataise, a u fe bohlale a be a u thuse.​—Pes 62:8

• Ikemisetse ho etsa le mosebetsi oo u se nang tsebo ea oona.​—g 1/10 8-9, mabokose

• Tsoela pele u bala Lentsoe la Molimo letsatsi le leng le le leng, u ee libokeng u be u nke karolo tšebeletsong ea tšimo

SHEBELLANG VIDEO EA HAHA LELAPA LE MATLA​—“KHOTSOFALLA LINTHO TSE TENG” EBE LE ARABA LIPOTSO TSE LATELANG:

• Malapa a mang a na le mathata afe?

• Ntho ea bohlokoa ka ho fetisisa bophelong ke e feng?

• Re ka thusa batho ba nang le mathata a lichelete joang?