Jehova
Lebitso la hae
Lebitso la Jehova le bolela “Ke Tla ba Seo ke Khethang ho ba Sona”
Jehova a ka fetoha eng e le hore a hlokomele bahlanka ba hae?
Ke hobane’ng ha batho bohle ba lokela ho tseba hore Jehova oa halalela ebile ke Eena feela Molimo oa ’nete?
Ke hobane’ng ha Jehova a lokela ho mameloa ke batho bohle?
LITSELA TSE LING TSEO JEHOVA A HLALOSOANG KA TSONA
Ea Matla ’Ohle—Ge 17:1; Tše 19:6
Ntate—Mat 6:9; Joh 5:21
Morupeli e Moholo—Esa 30:20
Jehova oa mabotho—1Sa 1:11
Morena oa bosafeleng—1Ti 1:17; Tše 15:3
Molimo e Moholo—Heb 1:3; 8:1
Ea Phahameng ka ho Fetisisa—Ge 14:18-22; Ps 7:17
Lefika—De 32:4; Esa 26:4
’Musi oa Lintho Tsohle—Esa 25:8; Amo 3:7
Makhabane a mang a Jehova
Jehova o bontša joang hore oa halalela hona taba eo e lokela ho susumeletsa bahlanka ba hae hore ba etse’ng?
Ex 28:36; Le 19:2; 2Ko 7:1; 1Pe 1:13-16
Mehlala ea batho ba ka Bibeleng e ka u thusang:
Esa 6:1-8—Ha moprofeta Esaia a bona pono ea Jehova, o ile a ikutloa e se motho oa bohlokoa hobane e ne e le moetsalibe empa lengeloi la serafime le ile la mo bontša hore le baetsalibe ba ka khona ho hloeka ka pel’a Molimo
Bar 6:12-23; 12:1, 2—Moapostola Pauluse o ile a hlalosa hore na re ka etsa’ng e le hore re tlohele ho etsa lintho tse mpe ’me re etse “lintho tse halalelang”
Matla a Jehova a maholo hakae hona o a sebelisa joang?
Ex 15:3-6; 2Kr 16:9; Esa 40:22, 25, 26, 28-31
Mehlala ea batho ba ka Bibeleng e ka u thusang:
De 8:12-18—Moshe o ile a bolella Baiseraele hore ba na le lintho tse ngata tse ntle hobane Jehova a sebelisitse matla a hae ho ba hlohonolofatsa
1Ma 19:9-14—Jehova o ile a khothatsa moprofeta Elia ka hore a mo bontše matla a hae a maholo nakong eo a neng a nyahame
Ke hobane’ng ha re tšepa hore toka ea Jehova ke eona e molemo?
De 32:4; Job 34:10; 37:23; Ps 37:28; Esa 33:22
Mehlala ea batho ba ka Bibeleng e ka u thusang:
De 24:16-22—Melao eo Jehova a ileng a e fa Moshe, e bontša hore Jehova o lula a etsa lintho ka toka, o rata batho ebile o mohau
2Kr 19:4-7—Morena Josafate o ile a re baahloli ba ahlole linyeoe ho latela seo Jehova a reng se nepahetse eseng ho ea ka maikutlo a batho
Ke’ng e bontšang hore Jehova o bohlale ho feta motho leha e le ofe?
Ps 104:24; Pr 2:1-8; Jer 10:12; Bar 11:33; 16:27
Sheba le Ps 139:14; Jer 17:10
Mehlala ea batho ba ka Bibeleng e ka u thusang:
1Ma 4:29-34—Jehova o ile a hlohonolofatsa Morena Solomone ka ho etsa hore a be bohlale ho feta batho bohle ba mehleng ea hae
Lu 11:31; Joh 7:14-18—Jesu o ne a le bohlale ho feta Solomone ’me o ne a tseba hore bohlale boo a nang le bona o bo filoe ke Jehova
Jehova o etsa’ng ho bontša hore oa re rata?
Joh 3:16; Bar 8:32; 1Jo 4:8-10, 19
Mehlala ea batho ba ka Bibeleng e ka u thusang:
Mat 10:29-31—Jesu o ile a etsa mohlala ka lirobele ho bontša kamoo Jehova a ratang batho ba mo sebeletsang kateng
Mar 1:9-11—Jehova o ile a bolella Jesu hore oa mo rata le hore o motlotlo hore ebe ke Mora oa hae. Ena ke ntho eo bana bohle ba hlokang ho e utloa ho batsoali ba bona
Re na le mabaka afe a mang a ho rata Jehova? Bibele e bua ka makhabane a mangata a Jehova. A mang a ona ke ana . . .
O bona lintho tsohle—2Kr 16:9; Pr 15:3
Ha aa fetohe; re ka mo tšepa—Mal 3:6; Jak 1:17
Oa qenehela—Esa 49:15; 63:9; Zak 2:8
O tla lula a le teng; ha a na qalo ebile ha a na qetello—Ps 90:2; 93:2
Oa fana—Ps 104:13-15; 145:16
O khanya ka tsela e hlollang—Tše 4:1-6
Ke Molimo ea thabileng—1Ti 1:11
O ikokobelitse—Ps 18:35
O mosa—Lu 6:35; Bar 2:4
Oa tšepahala—Tše 15:4
O hlompheha haholo—Ps 8:1; 148:13
O mohau—Ex 34:6
O na le mamello—Esa 30:18; 2Pe 3:9
Ke Molimo ea nang le khotso—Baf 4:9
Ke Molimo ea lokileng—Ps 7:9
Ho tseba Jehova haholoanyane ho tla re thusa joang?
Re ka etsa’ng ho sebeletsa Jehova?
Re tseba joang hore Jehova ha aa lebella hore re etse lintho tseo re ke keng ra khona ho li etsa?
Mehlala ea batho ba ka Bibeleng e ka u thusang:
De 30:11-14—Melao eo Jehova a neng a e file Baiseraele a sebelisa Moshe e ne e se thata hoo ba neng ba ke ke ba e utloisisa
Mat 11:28-30—Jesu o ile a bolella balateli ba hae hore ke Monghali ea mosa hobane o tšoana hantle le Ntate oa hae
Ke hobane’ng ha re tlameha ho rorisa Jehova?
Ps 105:1, 2; Esa 43:10-12, 21
Sheba le Jer 20:9; Lu 6:45; Lik 4:19, 20
Mehlala ea batho ba ka Bibeleng e ka u thusang:
Ps 104:1, 2, 10-20, 33, 34—Mopesaleme o ile a rorisa Jehova ha a sheba lintho tseo a li bopileng
Ps 148:1-14—Lintho tsohle tseo Jehova a li bopileng lia mo rorisa
Ke joang liketso tsa rona li ka etsang hore batho ba hlomphe Jehova?
Ke hobane’ng ha re lokela ho ba metsoalle ea Jehova?
Ke hobane’ng ha re lokela ho ikokobetsa haeba re batla ho ba metsoalle ea Molimo?
Ke hobane’ng ha re lokela ho bala Bibele le ho nahanisisa ka seo re ithutang sona haeba re batla ho ba metsoalle ea Jehova?
Ke hobane’ng ha re lokela ho etsa lintho tseo re ithutang tsona ka Bibeleng?
Ke hobane’ng ha re sa lokela ho leka ho patela Jehova lintho tseo re li etsang?
Job 34:22; Pr 28:13; Jer 23:24; 1Ti 5:24, 25
Mehlala ea batho ba ka Bibeleng e ka u thusang:
2Ma 5:20-27—Gehazi o ile a leka ho pata sebe sa hae empa Jehova o ile a thusa moprofeta Elisha hore a se tsebe
Lik 5:1-11—Ananiase le Safira ba ile ba leka ho pata sebe sa bona empa Jehova o ile a se senola a ba a ba fa kotlo hobane ba thetsitse moea o halalelang