Selelekela sa Lentsoe la Molimo

Bibele e re tšoaretse molaetsa oa Molimo kapa lentsoe la hae. E re bontša kamoo re ka phelang ka tsela e atlehileng le kamoo re ka amoheloang ke Molimo kateng. E boetse e araba lipotso tse latelang:

1 Molimo ke mang?
2 U ka ithuta ka Molimo joang?
3 Ke mang ea ngotseng Bibele?
4 Na Bibele ea nepa litabeng tsa saense?
5 Bibele e bua ka’ng?
6 Bibele e ile ea profeta eng ka Mesia?
7 Bibele e ile ea re ho tla ba joang mehleng ea rona?
8 Na ke Molimo ea etsang hore batho ba be le mathata?
9 Ke hobane’ng ha batho ba utloa bohloko?
10 Bibele e re tšepisa bokamoso bo joang?
11 Ho etsahala’ng ha motho a shoa?
12 Ho tla etsahala’ng ka bafu?
13 Bibele e re’ng ka ho sebetsa?
14 U ka sebelisa lintho tseo u nang le tsona hantle joang?
15 Ke’ng e ka etsang hore u thabe?
16 U ka etsa’ng ha u e-na le mathata?
17 Bibele e ka thusa lelapa la hao joang?
18 U ka atamela ho Molimo joang?
19 Mangolo a sa tšoaneng a Bibele a bua ka’ng?
20 U ka etsa’ng hore Bibele e u tsoele molemo ha u e bala?

KAMOO U KA FUMANANG LITEMANA TSA BIBELE KATENG

Bibele ke pokello ea libuka tse nyenyane tse 66. E arotsoe ka likarolo tse peli: Mangolo a Seheberu le Searame (“Testamente ea Khale”) le Mangolo a Segerike (“Testamente e Ncha”). Buka ka ’ngoe ea Bibele e arotsoe ka likhaolo le litemana. Ha ho bontšoa mangolo, palo ea pele e hlahang ka mor’a lebitso la buka ke khaolo. Lipalo tse latelang ke litemana. Ka mohlala, ha ho thoe Genese 1:1, ho boleloa Genese khaolo ea 1, temana ea 1.