Ketsahalo e sa Lokelang ho U Feta

“Le ’ne le etse sena ho nkhopola.” Morena oa rōna Jesu Kreste o ile a bua mantsoe ana a fumanoang ho Luka 22:19 nakong eo a neng a theha Sehopotso sa lefu la hae. Lefu la Jesu ke lona le buletseng batho monyetla oa ho fumana bophelo bo sa feleng maemong a Paradeise. Ka lebaka leo lefu la hae ke ntho eo re lokelang ho e hopola.

Na u tla boloka Sehopotso sa lona selemong see?

Re kōpa u amohele memo ena e tsoang ho Lipaki Tsa Jehova ea hore u kopane le tsona ho hopola ketsahalo ena ea bohlokoa. Sehopotso sena se tla ba ka mor’a hore letsatsi le likele letsatsing le tsamaisanang le la 14 Nisane ho latela almanaka ea Bibele e ipapisitseng le khoeli e holimo. Selemong sena se tla tšoaroa ka Mantaha, oa la 2 April. Lipaki Tsa Jehova tsa sebakeng sa heno li ka u bolella sebaka le nako e tobileng eo ketsahalo ena e tla tšoaroa ka eona moo u lulang teng.