“U ka Pholoha Bofelo ba Lefatše Joang?”

◼ Bibele e bolela’ng ha e bua ka bofelo ba lefatše kapa ba tsamaiso ee ea lintho? Na e bua ka ntoa ea libetsa tsa nyutlelie e ka felisang batho bohle? Kapa na e bua ka ketsahalo ea tlhaho e kang ea ho thulana ha linaletsana? Se thahasellisang ke hore Bibele e re “bongata bo boholo” ba batho bo tla pholoha bofelo ba lefatše. (Tšenolo 7:9, 10, 14) E tla ba bo-mang? Na u ka ba e mong oa bona?

Lipotso tseo tsa bohlokoa li tla arabeloa puong ea phatlalatsa e reng “U ka Pholoha Bofelo ba Lefatše Joang?” E tla fanoa likopanong tsa Lipaki Tsa Jehova tsa “LE LULE LE LEBETSE!” tse tla qala ka May, United States ’me li tsoele pele lefatšeng lohle. U mengoa ka mofuthu hore u be teng kopanong e tla tšoareloa sebakeng se haufi le uena. Ikopanye le Lipaki Tsa Jehova sebakeng sa heno kapa u ngolle bahatisi ba makasine ena.