Kopano ea Setereke ea Lipaki Tsa Jehova ea
“Lulang le le Haufi le Jehova!”
● Likopano tsena tsa matsatsi a mararo tse likete, tse tlang ho tšoaroa lefatšeng lohle li tla qala Afrika Boroa ka September. Afrika Boroa, mananeo a tla qala ka 9:00 hoseng letsatsi ka leng, ka ’mino oa selelekela. Sehlooho sa Labohlano se thehiloeng ho Pesaleme ea 73:28, se re “Ho Atamela ho Molimo ho Molemo ho ’Na.” Puo ea molula-setulo e tla lateloa ke e reng “Likopano li re Thusa Hore re Lule re le Haufi le Jehova” le e reng “Mora o Ithaopela ho mo Senola.” Ka mor’a moo, puong ea neheletsano e nang le sehlooho se reng “Etsisang ba Ileng ba Boloka Kamano e Haufi-ufi le Jehova” ho tla tšohloa kamoo Abrahama, Ruthe, Ezekiase le Maria ba ileng ba etsa seo kateng. Lenaneo la hoseng le tla phethoa ka puo ea sehlooho e reng, “Kamoo Jehova a Atamelang ho Rōna.”
Puo ea pele ka Labohlano thapama e re “Likarabo Tsa Lipotso Tse Mabapi le Jehova,” ’me e tla lateloa ke e reng “Lumella Khalemelo ea Jehova Hore e U Bōpe” le e reng “Le ka Mohla U se ke ‘Ua Halefela Jehova.’” Joale ho tla latela neheletsano ea lipuo tse hlano e nang le sehlooho se reng “Puisano e Thusa Malapa Hore a Lule a le Haufi le Jehova.” Lipuo tsa neheletsano ena li na le lihlooho tse reng: “Jehova, ’Mehi-mohlala e Moholo oa Puisano,” “Banna, Buisanang le Basali ba Lōna!,” “Basali, Buisanang le Banna ba Lōna!,” “Batsoali, Buisanang le Bana ba Lōna!” le se reng “Bana, Buisanang le Batsoali ba Lōna!” Lenaneo la thapama le tla phethoa ka sehlooho se reng “Pōpo e Senola ‘Molimo ea Phelang’!”
Sehlooho sa Moqebelo se thehiloeng ho Liproverbia 3:32, se re “O na le Kamano e Haufi-ufi le ba Lokileng.” Neheletsano ea lipuo tse hlano e reng “Thusang Batho ‘Hore ba Boelane le Molimo’” e tla akarelletsa lihlooho tse reng “Ba Khelohile ’me ba Hloka Tšepo,” “O Ile a ba Botsa Potso,” “Phethahatsa Karolo ea Hao Joaloka Mothusi Mosebetsing oa Boevangeli,” “Ba Hape ka Boitšoaro ba Hao bo Botle” le se reng “Phehella ka Cheseho Boitekong ba Hao.” Ka mor’a puo e reng “Tšebeletso ea Nako e Tletseng e Matlafatsa Kamano ea Hao le Jehova” le e reng “Ho ba Ratang Jehova, Ha ho Khopiso ho Bona,” lenaneo le tla phethoa ka puo ea kolobetso ’me ka mor’a moo ba tšoanelehang ba tla ba le monyetla oa ho kolobetsoa.
Moqebelo thapama ho tla ba le neheletsano ea lipuo tse robeli, e reng “Le se ke la Lumella Letho ho le Arohanya le Jehova”—“Maraba a Satane,” “Boikhohomoso,” “Chelete,” “Ho Ameha ka Bophelo ba ’Mele,” “Mosebetsi,” “Boithabiso,” “Lelapa” le “Theknoloji.” Ho tla latela tšoantšiso e khethehileng ea mantsoe e reng “U se ke ua Felloa ke Matla ha U Khalemeloa ke Jehova!” Lenaneo le tla qetella ka puo e reng “Lula Haufi le Jehova, Joaloka Jeremia.”
Sehlooho sa Sontaha se thehiloeng ho Joshua 23:8, se re “Ke Jehova . . . eo le Lokelang ho mo Khomarela.” Ka mor’a pina le thapelo hoseng, ho tla ba le neheletsano e reng, “Ho Ananela Botho bo Ratehang ba Jehova” e tla tšohla litšobotsi tse robeli tsa hae—“Oa Atameleha,” “O na le Kutloelo-Bohloko,” “Oa Ananela,” “O Seatla se Bulehileng,” “Ha a Leeme,” “Oa Tšoarela,” “O na le Kahlolo e Molemo” ’me “Oa Tšepahala.” Ho tla latela puo ea phatlalatsa e nang le sehlooho se reng “U ka Atamela Haufi le Molimo Joang?” Lenaneo la hoseng le tla phethoa ka kakaretso ea Thuto ea Molula-Qhooa ea beke le beke.
Lenaneong la Sontaha thapama ho tla ba tšoantšiso e ikhethang ea moaparo oa boholo-holo, e bontšang liketsahalo tsa lekholong la pele lilemo. E tla bontša ka nako eo Bakreste ba neng ba baleha Jerusalema ’me e na le sehlooho se reng “Tsamaea ka Tumelo Eseng ka Pono.” Ka mor’a tšoantšiso eo, ho tla ba le puo e phethelang kopano e reng, “Lulang ‘Sebakeng se Sephiring sa Ea Phahameng ka ho Fetisisa.’”
Lokisetsa esale joale hore u be teng kopanong ena. Hore u fumane hore na e tla tšoareloa hokae haufi le moo u lulang teng, e ea Holong ea ’Muso ea Lipaki Tsa Jehova kapa u ngolle bahatisi ba makasine ena. Websaeteng ea www.jw.org ho thathamisitsoe libaka tseo likopano li tla tšoareloa ho tsona lefatšeng ka bophara.