Seo Bana ba se Hlokang ho Batsoali

Kajeno bana ba pepesehetse tlōlong ea molao e ngata le boitšoarong bo hlephileng. Kahoo, ho feta leha e le neng pele, bana ba rōna ba hloka tataiso litabeng tsa boitšoaro le tsa borapeli. Batsoali ba ka fumana thuso hokae e le hore ba koetlise bana ba bona? Batsoali ba bangata ba atlehileng, ba ile ba sebelisa Bibele, ba lemoha hore tataiso eo e fanang ka eona bophelong le litabeng tsa boitšoaro, e phahame ka ho fetisisa.

E le ho thusa batsoali hore ba rute bana ba bona, Lipaki Tsa Jehova li lokiselitse buka ea Ithute ho Mosuoe e Moholo. Likhaolo tse 48 tsa buka ena, li akarelletsa tse latelang: “Kutlo ea U Sireletsa,” “Lebaka Leo ka Lona re Lokelang ho Tšoarela,” “Lebaka Leo ka Lona re sa Lokelang ho Bua Leshano,” “Se ka re Thusang ho Hlōla Tšabo ea Rōna” le “Lebaka Leo re Lokelang ho Sebetsa ka Lona.”