Ho Etela Panama

MOHLOMONG Panama e tsejoa haholo ka kotopo ea eona e kopanyang leoatle la Atlantic le la Pacific. Empa kaha Panama e kopanya Amerika Leboea le Amerika Boroa, e boetse e kopanya batho. E na le merabe le litso tse sa tšoaneng. Karolo e khōlō ea baahi ke motsoako oa matsoalloa a moo le batho ba Europe.

Ka 1501, ha bafuputsi ba Masepanishe ba fihla Panama, ba ile ba fumana batho ba mefuta e fapaneng, bao ba bang ba bona ba ntseng ba le teng. Ba bang ba bona ke Maguna (ao pele a neng a bitsoa Makuna). Maguna a mangata a lula Lihlekehlekeng Tsa San Blas le lebōpong la Caribbean haufi le moeli o pakeng tsa Panama le Colombia. A phela ka temo, ho tsoma le ho tšoasa litlhapi ka liketsoana.

Ha monna oa Moguna a nyala, o lula habo mosali ’me o sebeletsa ba bohoeng. Haeba mosali oa hae a ka beleha ngoana oa ngoanana, ke hona a tla tloha le lelapa la hae ebe ba ikahela ha bona.

Panama ho na le liphutheho tse ka bang 300 tsa Lipaki Tsa Jehova. Ntle le Sepanishe, liboka li boetse li tšoaroa ka Puo ea Matsoho ea Panama, Sechaena, Secreole sa Haiti, Segujarati, Seguna, Sengabere le Senyesemane.