2 Timuthausu

3 Ɓe jua amba : harimwa zi suku za mwiso, vutso ka wakati mudziro wa ustahamili. 2 Mana wanadamu watso ka wandzani wa zi nafusi zao, wandzani wa marike, mavantara, watso dji ona, watso kufuru Mungu, kawatso tuĩ u wadzaɗe wao, kawatso jua zema, tsi waminifu, 3 kawatso kana mahaɓa, wala kawatso tsaha uafikiana, watso ka wanafiki, kawatso dji zia ata hata, watso kana roho siki, kawatso ka watru wa vendzao ndjema, 4 watso viriana nyuma, watso ka wakaidi, watso dji ona swafi, watso ka wandzani wa malangadzo raha na wandzani wa Mungu, 5 wawo wa onehwana mauri watru wa fungatsana na Mungu, wala i nguvu ya mufungatsiyo na Mungu kai vingi maesha yao. Dji ɓause na watru wawo. 13 Ɓe u watru wa peu na u wadjandja watso tikadi uzidi harimwa zi taɓia za peu zao. Watso laɓa, tsena watso laɓwa. 16 Piya u Muangishio Mutwaharifu u vudziwa na Mungu aisa ndjema ya usomedza, ya uandilisha, ya urengeledza zi trongo, ya ufundra harimwa maendreleyo ya haki, 17 ile mutru wa Mungu a kena ushindzi wa stahiki, a tsimu zombo harimwa kula anmali ndjema.