Mwandro

7 Ɓasi Jehovah Mungu a paranga mwanadamu ha trotro ya motsi amoesa a vudzilia zi pumu za maesha harimwa zi pembe za pua yahe, ɓasi mwanadamu a rendreha shumbe i eshio. 10 Vu ka muro muɓole wako lawa Edeni ile u roze i zarde. Alafu u ja u anyisiha miro minne miɓole. 11 Li dzina la wa handra ɗe Pishoni ; u zingidza piya i tsi ya Havila, vahanu vu lio dhahaɓu 12 (dhahaɓu ndzuzuri swafi) na uɓani u hiriwao bdeliomu na li ɓwe li hiriwao oniks. 13 Li dzina la muro wa vili ɗe Gihoni ; u zingidza piya i tsi ya Kush. 14 Li dzina la wa raru ɗe Hidekel u shukao mashiriki ya Asiri. U wa nne ɗe i Efrati. 15 Jehovah Mungu a mu renge u mwanadamu, amoesa a mu hetsi harimwa i zarde ya Edeni ile a i lime na u i hudumu.