Mbani ɗe a vulikia makati Mungu a judza amba atso veleha i Daruba ya vua ?

Wakati wa Nuhu, u wengi wa watru wako fanya upeu (Mwandro 6:5).

Adam na Hawa wa ja wa dza wana. Wanadamu wa ka wengi shivandreju mwa tsi. Amoesa, vwa malaika za mu ɗunga Shetwani, ha uendra kinyume na Mungu.

Zi shuku shivandreju mwa tsi. Zi pindri mwili wa watru ɓaɓa, ile zi lole watru washe. Wana wao wa ka waɓole swafi, wa kana nguvu swafi, tsena wa ka wa peu swafi.

Li dunia lika li jaya na watru wako fanya trongo mbovu. I Labiblu isu rongoa amba wanadamu wa ka wa peu swafi, tsena wako fikiri ufanya upeu kula wakati.

Nuhu a mu vulikia Mungu. A fanya djahazi ɓole (Mwandro 6:13, 14, 18, 19, 22).

Nuhu a ka mutru mwema tsena mutuĩvu. Jehovah a mu ambia amba atso jo angamidza watru wa peu harimwa daruba ya vua. Yaani, maji yatso vihidza i shivandre ya tsi.

Mungu a mu ambia Nuhu a fanye djahazi ɓole. Nuhu aka a lazimu a ngie moni mwa i djahazi na udjama wahe, na kaɓila ha kaɓila za zinyama.

Nuhu a fahamisha watru amba Mungu atso veleha daruba ya vua. Ɓe kawa vulikia. Vwa wasalia wako mu tseshea, vwa wasalia wako mu yenga.

Makati a malidza i djahazi, Nuhu a vahidza zinyama moni mwa i djahazi.