Namna jeje ɗe mutru atso kaona maesha ya udjama ya raha ?

Harimwa udjama, i lazimu watru piya wa vendzane ile wa ke furahani (Maefeso 5:33).

Harimwa i sharia ya Mungu, ndrola u tsanganisa mutru ɓaɓa moja na mutru mama moja.

Mutru mume a mu vendzao mushe wahe, waye u mu tutuɓia na u mu elewa.

I lazimu mutru mushe a mu saidie mume wahe, tsena a shahilihe na waye.

U wana wa lazimu wa tuĩ wadzaɗe wao.

Ka mwema wala usu fanye uzindzi (Makolosiya 3:5, 8-10).

I Labiblu isu rongoa amba i lazimu mutru mume a mu vendze mushe wahe mauri ɗe heli a dji vendzao. Tsena, i lazimu mutru mushe a mu stehi swafi mume wahe.

Ulala na mutru wangina neka tsi ɗe mume wahe au mushe wahe, iyo mbovu. Ulola hwili, iyo tsena mbovu.

I Labiblu isu eledza namna udjama utso kao furahani.