এক সুখী ফরিবার গড়িয়া তুলবার লাগি কিতা জরুরি?

পবিত্র ইঞ্জিল শরিফে লেখা আছে

ধন্য তারা, যারা আল্লার কথা হূনে, হূনিয়া অউলা ফালন করে।—লুক ১১:২৮.

আফনার লাগি ই সত্য জানার অর্থ অইলো

সত্যিকারের ভালবাসা ফাওয়া। —ইফিষীয় ৫:২৮, ২৯.

আন্তরিক সম্মান ফাওয়া।—ইফিষীয় ৫:৩৩.

জামাই আর বউয়ের মাজে সত্যিকারের বিশ্বাস ফাওয়া।—আদিপুস্তক ২:২৪.

পবিত্র কিতাবের কথা আমরা বিশ্বাস করতাম ফারমুনি?

অবশ্য করতাম ফারমু, এর দুইটা কারণ আছে:

• যিহোবা আল্লায় ফরিবারিক ব্যবস্থা স্থাফন করছিলা। পবিত্র কিতাবে লেখা আছে যে, যিহোবা আল্লায় ফরিবারিক ব্যবস্থা শুরু থাকি স্থাফন করছিলা। (আদিপুস্তক ২:১৮-২৮) আর অউ সমান ব্যবস্থা আইজকে ফর্জনতো টিকে আছে কারণ ইটা যিহোবা আল্লায় শুরু করছিলা। ই সত্য জানা কেনে জরুরি?

  কল্ফনা করউক্কা: আফনে খুব এক মজার খানি খাইছইন, আর আফনে হিক্ষতায় চাও যে অউরকমের খানি কিলা রান্নদা যায়, তাঅইলে আফনে কারে জিকাইবায়? অবশ্য, যেইন অউ খানি বানাইছইন, তাইনরে।

  ঠিক অউরকম, আমরা যুদি জানতাম চাই যে কিলা এক সুখী ফরিবার গড়িয়া তোলা যায়, তাঅইলে অবশ্য আমরা যিহোবা আল্লার গেছ থাকি হিক্ষতাম চাইমু কারণ তাঁইন ই ব্যবস্থা স্থাপন করছিলা।—আদিপুস্তক ২:১৮-২৮.

• আল্লায় আফনার লাগি চিন্তা করইন। সকল ফরিবার যুদি যিহোবা আল্লার আদেশ খুঁজবার চেষ্টা করইন, যেটা তাঁইনের পবিত্র কিতাবে ফাওয়া যায়, তাঅইলে তারা অইলা জ্ঞনোবান। কেনে? কারণ “আল্লায় তো তুমরারে লইয়াউ চিন্তা করইন।” (১ পিতর ৫:৬, ৭, পবিত্র ইঞ্জিল শরিফ, সিলটি তরজমা) যিহোবায় আফনার ভালা চাইন আর তাঁইনের ফরামর্শ সবসময় আমরার লাগি কার্যকারী।—হিতোপদেশ ৩:৫, ৬; যিশাইয় ১৮:১৭, ১৮.