¿Chieri ju Onorúgame?

Siné bajchá chojkígachi alué ralámuli nirárime ju we’ká riosi. Alué Biblia ra’íchame ju bilé Onorúgame «aʼwágame ju meʼtigá uché jaré riosi» (2 Crónicas 2:5). ¿Chieri ju boʼné? ¿Chonigá ju aʼwágame meʼtigá uché jaré riosi nirárime alué ralámuli? Beniboa jena leccioni napu Onorúgame najkí mué machimela boʼné.

1. ¿Chieri ju Onorúgame rewalá, churigá machiboa boʼné najkí apirigá ramué machiboa boʼné rewalá?

Alé Bíbliachi Onorúgame anime ju boʼné rewalá: «Ne ju Jeobá. Ye ju ne rewalá» (leériwa Isaías 42:5, 8). Jeobá ju traducción rewalá ebreo, weʼká alué benégame anime ju «boʼné newame ju napu boʼné najkime ju». Jeobá najkime ju apirigá ramué machiboa boʼné rewalá (Éxodo 3:15). ¿Churigá machiboa? Jeobá netele apirigá boʼné rewalá uchúkame nímala alé Bíbliachi uché rajpé 7 mili weʼsá.a Jeobá ju alué rewalá «Onorúgame ʼla bijchiá ju reʼpá rewagachi ʼlige jena wijchimoba» (Deuteronomio 4:39).

2. ¿Tachiri aní alué Biblia alué Jeobá?

Alué Biblia aní, alué ralámuli nirárime ju weʼká riosi, ʼlige pe bi’lepi ju ʼla bijchiá Onorúgame ju Jeobá. ¿Chonigá? Nerú weʼká natáriame. Jeobá ju nulame, «Waʼlula bochígimi gawichí» (leériwa Salmo 83:18). Alué ju «boʼné nígame ju suwábaga alué aʼwalí», ye ju boʼné nígame ju suwábaga aʼwalí apirigá boʼné newámala suwábaga tábiri. Abiénachigó ju alué Netéame, «newágame suwábaga tábiri»: alué universo ʼlige suwábaga ajágame nerúgame jena gawichí (Apocalipsis 4:8, 11). Abiénachigó, Jeobá pe biʼlepi nabí asale ʼlige nabí asimela (Salmo 90:2).

3. Onorúgame nígame ju weʼká título, pe biʼlepi rewalá

Seʼwinátiri ju bilé título bilé ralámuli ʼlige bilé rewalá, eʼnewa alué VIDEO ʼlige raʼichawa ye:

VIDEO: Weʼká título, pe biʼlepi rewalá (0:41)

• ¿Tachiri ju seʼwinátiri bilé rewalá ʼlige bilé título, napurigá bilé ejemplo yorí?

Alué Biblia aní alué ralámuli ʼwe nirárime eteme ju weʼká riosi ʼlige alué weʼká yorí. Leériwa Salmo 136:1-3 ʼlige raʼichawa ye:

• ¿Chieri ju alué «Onorúgame waʼlula ju meʼtigá ujché jaré riosi» ʼlige «Yorí waʼlula ju meʼtigá ujché jaré yorí»?

4. Jeobá najkí apirigá mué machimela boʼné rewalá ʼlige unewa

VIDEO: ¿’La inígame ju Onorúgame bilé rewalá? (uʼteli) (3:11)

• ¿Chonigá mayé mué Jeobá najkí apirigá machiboa boʼné rewalá?

Jeobá najkí alué ralámuli unewa boʼné rewalá. Leériwa Romanos 10:13, TNM ʼlige raʼichawa ye:

• ¿Chonigá ʼwe najtékame uneria Onorúgame rewalá, Jeobá?

• ¿Cho níliame ju mué bilé raʼichasa mué ʼlige mué rewalá unegá?

• ¿Cho níliame ju Jeobá mué unesa boʼné rewalá?

5. Jeobá najkí mué nímala alué amígola

VIDEO: Ne ʼyáagame ju Onorúgame ʼla bijchiá (8:18)

• ʼMa eté ye video, ¿churigá guʼírale alué Soten machiá Onorúgame rewalá?

Apirigá amígola niwa bilé bajchá machiame boʼné rewalá. Leériwa Santiago 4:8a, TNM ʼlige raʼichawa ye:

• ¿Tachiri najkí Jeobá mué netémala?

• ¿Mué mayé machiá ʼlige unea Onorúgame rewalá nejkúriame aʼbeka asimela? ¿Chonigá?

ABÉ NAJTÉKAME

Pe biʼlepi Onorúgame ʼla bijchiá Jeobá ju boʼné rewalá. Boʼné najkí apirigá machiboa boʼné rewalá ʼlige aminami unewa boʼné rewalá apirigá niwa boʼné amígola.

Api mué ʼma benile

• ¿Chonigá seʼwinátiri ju Jeobá uché jaré riosi si alué ralámuli nirárime eteme?

• ¿Chonigá unewa Onorúgame rewalá?

• ¿Jeobá najkí apirigá niwa boʼné amígola? ¿Churigá machí?

UCHÉ RAJPÉ ʼYÁAWA

Benimela malige tábiri beniri ramué Onorúgame ajágame ju.

«¿ʼLa bijchiá ju Onorúgame ajágame ju?» (Artículo de jw.org)

Machimela chonigá ikiru bijchigi Onorúgame nabí ajágame ju.

«¿ʼLa newárigame ju Onorúgame?» (La Atalaya, 1 de agosto de 2014)

Eʼnewa chonigá anémili ju Onorúgame rewalá rekó tabilé machí churigá anériame nile ʼwe ʼya.

«¿Ichka ju Jeobá?» (Artículo de jw.org)

¿ʼLa najtékame ju machiá chu rewégame ju Onorúgame? Eʼnewa chonigá ramué aní napu rewégame ju Onorúgame.

«¿Chekí rewégame ju Onorúgame?» (Artículo de jw.org)