LECCIONI 08
Mué a’lá nímala amígola Jeobá
Jeobá najkí apirigá mué machimela alué. ¿Chonigá? Onorúgame ʼnata mué abé machí bo’né—alué ʼwe aʼlá tábiri inígame, ʼlige alarigá machimela mué churigá netele weʼká—mué najkimela nímala amígola boʼné. ¿ʼLa niwa amígola Onorúgame ramué? (Leériwa Salmo 25:14). ¿Tachiri netémala mué apirigá amígola nímala alué? Alué Biblia beniri ramué ʼlige anime ju mué nisa amígola Jeobá nígame ju mué amígola ʼwe aʼlá najtékame.
1. ¿Tachiri nepari newá Jeobá mué?
«Aʼbeka mochiwa Onorúgame si ʼlige boʼné aʼbeka asimela ʼemi si» (Santiago 4:8, TNM). ¿Tachiri anime ju ye raʼíchali? Jeobá nepari mué apirigá amígola nímala. Jaré ralámuli ʼnátame ju tabilé gainámala amígola tabilé etériame ju, ʼlige taʼmé Onorúgame. Onorúgame nejí boʼné raíchali, alué Biblia, aminami beniri churigá ju boʼné apirigá ramué aʼbeka mochiwa. Ramué leérisa alué Biblia Onorúgame raʼíchali, amígola niwa Onorúgame rekó ramué tabilé etériame ju.
2. ¿Chonigá ju ʼwe aʼlá amígola Jeobá apirigá mué nígame nímala?
Jeobá ʼwe galé mué. Boʼné najkí apirigá mué ʼwe ganíliga asimela ʼlige boʼné najkí apirigá mué ʼyáamala. ʼLiko «ʼwe seweti nísaká Onorúgame ruyéwaguru». Onorúgameka ʼwéchigo naʼtemame ʼemi, eʼwéwagurú napurigá nejkúrimala (1 Pedro 5:7). Jeobá nabí nejkúrime ju ʼlige akeme ju boʼné amígola (leériwa Salmo 94:18, 19).
3. ¿Tachiri najkí Jeobá tachiri netémala boʼné amígola?
Jeobá galeme ju suwábaga ralámuli, nobi «Jeobá ajtime ju aʼbeka ralámuli si ʼwe aʼlá neteme» (Proverbios 3:32). Jeobá najkí boʼné amígola netémala weʼká tábiri ʼwe aʼlá, ʼlige tabilé najkí tabilé netémala tábiri ʼwe chátiri. Jaré ʼnátame ju tabilé umebámala netea napu Onorúgame najkí. Boʼné ju ʼwe kilí ajtime ju buigá ʼlige galeme ju suwábaga napu galeme ju boʼné aminami alué ralámuli apirigá ʼwe aʼlá netémala napurigá Jeobá najkí (Salmo 147:11; Hechos 10:34, 35).
ABÉ BENIBOA
Beniboa churigá niwa amígola Jeobá ʼlige chonigá ju alué ʼwe aʼlá amígola apirigá ramué niwa.
4. Abraámi nile amígola alué Jeobá
Alué Biblia raʼíchame ju alué Abraámi (abiena rewégame nile Abrani) ye beniri churigá niwa amígola Onorúgame. Leériwa napu anime alué Abraámi alé Génesis 12:1-4 ʼlige raʼichawa ye:
¿Tachiri tánale Abraámi alué Jeobá?
¿Tachiri anele Jeobá tachiri ʼyámala nile?
¿Tachiri netele Abraámi napuʼlige Jeobá nulesa bilé tábiri?
5. Napu Jeobá táname ju boʼné amígola
Suwábaga ramué najkiá bilé tábiri ramué amígola.
¿Tachiri mué najkí mué amígola?
Leériwa 1 Juan 5:3, TNM ʼlige raʼichawa ye:
¿Tachiri najkí Jeobá boʼné amígola?
Mué eʼwánisa Jeobá, aʼrémala mué weʼká tábiri alué ʼwe chátiri mué ʼwe aʼlá netesa ʼwe aʼlá nímala mué. Leériwa Isaías 48:17, 18 ʼlige raʼichawa ye:
¿Chonigá tánime ju Jeobá boʼné amígola apirigá ʼwe aʼlá netémala?
Bilé amígola ʼwe aʼlá animela apirigá ʼwe aʼlá netewa apirigá tabilé ʼwe chátiri simírichi ramué apirigá ʼwe aʼlá eʼyénawa. Jeobá alieri neté boʼné amígola si.
6. Napu Jeobá neteme ju boʼné amígola
Jeobá nejkúrime ju boʼné amígola napu resí mochígachi. Eʼnewa ye VIDEO ʼlige raʼichawa ye:
¿Tachiri newale Jeobá apirigá nejkúrimala alué mukí alé video maʼchíname apirigá tabilé seweka asimela?
Leériwa Isaías 41:10, 13 ʼlige raʼichawa ye:
¿Tachiri aní Jeobá chu ʼsímala ju suwábaga alué amígola?
¿Mué mayé Jeobá ju ʼwe aʼlá amígola? ¿Chonigá?
Alué amígola ʼwe aʼlá bijchiá mochime ju alé napu mué najkígachi. Jeobá alieri neteme ju mué ʼyuga.
7. Apirigá niwa amígola Jeobá ju ʼwe aʼlá najtékame raʼichabo boʼné si
Ramué raʼichasa ramué amígola ju abé aʼwágame gayéname ju. Leériwa Salmo 86:6, 11 ʼlige raʼichawa ye:
¿Churigá raʼichawa Jeobá si?
¿Churigá raʼicha Jeobá ramué si?
Ramué raʼíchame Jeobá si oracioni olagá ʼlige bo’né ra’íchame ju Bíbliachi.
JARÉ RALÁMULI ANÍ: «Tabilé gainámala niwa Onorúgame amígola».
¿Tachiri texto unewa ju apirigá eʼnémala ʼla bijchiá ju apirigá niwa amígola Jeobá?
ABÉ NAJTÉKAME
Jeobá najkí mué amígola nímala ʼlige Jeobá nejkúrimala apirigá aʼbeka mochiga boʼné si.
Api mué ʼma benile
¿Churigá guʼiri Jeobá boʼné amígola?
¿Chonigá ané Jeobá boʼné amígola apirigá tabilé netémala weʼká tábiri chátiri?
¿Mué mayé Jeobá weʼká tábiri tana boʼné amígola? ¿Chonigá ʼnata mué alarigá?
UCHÉ RAJPÉ ʼYÁAWA
¿Churigá ʼla guʼiro mué Onorúgame amígola nilia?
«ʼWe najtékame ju machiá Jeobá» (La Atalaya, 15 de febrero de 2003)
Benimela churigá Onorúgame amígola nímala.
Eʼnewa chonigá bilé mukí aní alué Jeobá amígola nilia guʼírile apirigá alué tabilé mukumea.
Gepuwa napu jaré ejtemali aní alué Jeobaka.