LECCIONI 09
Alué oracioni abé aʼbeka asimela Onorúgame si
¿Mué mayé najkí mué bilé nejkuri? ¿Mué nígame ajtí bilé rukéliame ʼlige tabilé nejériame ju? ¿Mué najkí iweri? ¿Mué asinale aʼbeka Jeobá si? Alué oracioni ʼwe nejkúrimala. ʼLige ¿churigá netewa oracioni? ¿Akeme ju Onorúgame suwábaga oracioni? ¿Churigá machimela aʼlá aké Onorúgame mué oracioni netéliame? Eʼnewa.
1. ¿Chieri netewa oracioni? ¿Tachiri raʼichawa alé oracioni?
Esusi benírile churigá netewa oracioni ramué Oʼnola reʼpá rewagachi ajtime. Esusi boʼné abiena netele oracioni alué Jeobá. Boʼné anele: «Alekeri napuʼlige raʼichalia Onorúgame ʼyuga, regá anewa: Mué Oʼnó ʼpa rewagachi ajtígame...» (Mateo 6:9). Ramué raʼicha Jeobá si, abé aʼwágame gayéname ju ramué si.
Ramué oracionchi raʼichawa apiépiri tábiri. Ramué najkiaru apirigá nejémala ramué oracioni Onorúgame tabilé tániwa napu boʼné tabilé niraga eteme ju. Alué Biblia aní «napuꞌlige Onorúgame ʼyuga raʼichalia apiépiri tábiri tánaga tabilé majaga, apirigá Onorúgame ʼla akeo tabilé tániwa napu boʼné tabilé niraga eteme ju» (1 Juan 5:14, TNM). Esusi anile tachiri tániwa alué oracioni (leériwa Mateo 6:9-13). Raʼichawa ramué, tabilé weʼkawa aní cheliérabá Onorúgame napu boʼné nejí ʼlige abiena tániwa nejkúrimala ju ujché jaré ralámuli si.
2. ¿Churigá netewa oracioni?
Alué Biblia aní ye netewa: «Maʼchí papua suwábaga napu nerú alé sulachí aʼrewa napu alué etémala [Onorúgame]» (Salmo 62:8). ʼLa bijchiá maʼchínamala nímala alé sulachí napuʼlige raʼichasa Onorúgame si. Netewa oracioni kilí ʼlige raʼíchiga, apiépiri iniga oʼweti iligá o kilí asá ʼwe niraga eté Jeobá. Apiépiri kachi ʼora ʼlige rawé ʼlige apiépiri kachi netewa oracioni.
3. ¿Churigá nejé Onorúgame ramué oracioni?
Neteme ju weʼkaná kachi. Boʼné raʼíchali, alué Biblia si nejeme ju ramué rukéliame. Leeria alué Biblia «ʼwe aʼlá ʼnátali ʼyame ju ralámuli, ʼlige aminami ʼla rejchirúgame newame ju alué ralámuli tabilé machime» (Salmo 19:7; leériwa Santiago 1:5). Ramué nígachi weʼká naʼáutiame Jeobá nejkúrimala apirigá ramué tabilé weʼká ʼnátiga mochiwa. Jeobá náume ju uché jaré hermano apirigá nejkúrimala.
ABÉ BENIBOA
Beniboa neté oracioni napu Onorúgame galeme ju ʼlige churigá alué oracioni nejkúrime ju.
4. Onorúgame tabilé akeme ju suwábaga oracioni
¿Tachiri netémala mué apirigá Onorúgame akémala mué oracioni? Eʼnewa alué VIDEO.
Jeobá najkí pe boʼné netewa oracioni. Leériwa Salmo 65:2 ʼlige raʼichawa ye:
¿Mué mayé Onorúgame «akeme ju alué oracioni» najkí apirigá mué netémala alué oracioni? ¿Chonigá ʼnátaga alarigá?
Ramué najkisáká Onorúgame akémala ramué oracioni netewa napu Onorúgame nulá. Leériwa Miqueas 3:4 ʼlige 1 Pedro 3:12, ʼlige raʼichawa ye:
¿Churigá machiboa aʼlá Onorúgame aké ramué oracioni?
Oká sontalo guʼiri tana Onorúgame apirigá neyúrimala alué najkóriame. ¿Onorúgame nejeme ju alué oracioni?
5. Ramué oracioni maʼchíname nímala alué sulachí
Weʼká beníriame ju weʼsá simérawa bilé raʼíchali ʼlige beníriame ju bilé apélichi alué oracioni. ¿Ye oracioni galé Onorúgame? Leériwa Mateo 6:7. ʼlige raʼichawa ye:
¿Tachiri netewa apirigá tabilé aniboa «weʼsá bilé raʼíchali» ramué oracionchi?
¿Nabí rawé kachi mué ʼnata ʼwe semátiri apirigá mué simíriachi ʼlige ʼyaa mué cheliérabá Jeobá? Ye netesa ramué bilé tarali, raʼíchali nímala gichao raʼíchali seʼwinátiri, tabilé biʼlepi raʼíchali ramué oracionchi.
Bilé oʼnó ʼwe aʼlá najkí ju apirigá boʼné ranala raʼichámala napu boʼné chu nílime. Alarigá Jeobá najkime ju ramué oracioni netewa maʼchíname nímala alué sulachí.
6. Alué oracioni ju bilé kórima Onorúgame náume
¿Churigá nejí aʼwalí alué oracioni, ramué ʼwe resí nili mochígachi? Eʼnewa alué VIDEO.
Alué Biblia beniri alué oracioni apirigá ramué ʼwe ganíliga mochibo tabilé weʼká ʼnátiga. Leériwa Filipenses 4:6, 7 ʼlige raʼichawa ye:
Rekó alué oracioni tabilé bujé suwábaga tábiri ʼwe chátiri ramué simírachi, ¿churigá nejkuri?
¿Tachiri tánime alué oracioni?
¿Mué ʼma machime nile?
Alué raʼíchali amén ju «ʼwe aʼlá» o «alarigá ju». Weʼká bamí kachi alarigá aniame ju «amén» napu suwíbachi alué oracioni (1 Crónicas 16:36).
7. Wanapa peʼwera apirigá oracioni netewa
Iʼsínimi ʼwe nocha mochiru tabilé naʼtáriame ju netea oracioni. ¿Esusi ʼwe niraga etele nile alué oracioni? Leériwa Mateo 14:23 ʼlige Marcos 1:35, ʼlige raʼichawa ye:
¿Chu ʼsime nile Esusi apirigá raʼichámala Onorúgame si?
Mué, ¿chu ʼsímala apirigá wanámala peʼwera apirigá raʼichámala Onorúgame si?
JARÉ RALÁMULI ANÍ: «Alué oracioni ju bilé terapia apirigá ramué moʼola kilí asiboa».
¿Tachiri aní mué?
ABÉ NAJTÉKAME
Alué oracioni sulachí maʼchíname abé aʼbeka asiboa Onorúgame si. Abiena nejkuri apirigá ramué tabilé weʼká ʼnata mochiwa ʼlige nejí aʼwalí apirigá netewa napu Onorúgame nulá.
Api mué ʼma benile
¿Chieri netewa oracioni?
¿Churigá netewa oracioni?
¿Churigá nejkuri alué oracioni?
UCHÉ RAJPÉ ʼYÁAWA
Eʼnewa alué nejériame napu weʼká ralámuli machinali alué oracioni.
«Gichao rukériame alué oracioni» (La Atalaya, 1 de octubre de 2010)
Leériwa chonigá ʼwe najtékame ju mué raʼicha Onorúgame ʼyuga ʼlige churigá abé aʼlá netémala.
«¿Chonigá ʼwe najtékame ju raʼicha Onorúgame ʼyuga?» (Artículo de jw.org)
Eʼnewa tachiri beniri alué Biblia chieri netémili ju ramué alué oracioni.
Eʼnewa ye video musical koche ʼlige chiéniko umeba oracioni netea.