LECCIONI 14
¿Tachiri rokáriame apirigá Onorúgame narémala ramué nirálime?
Napurigá etérieme siné bajchá leccioni, Onorúgame tabilé galé suwábaga relijioni. Nobi ʼla gainárime ju apirigá nirawa ramué Netériame apirigá boʼné ʼwe raʼsálagá asimela. ¿Chieri ju ʼwe aʼlá «apirigá niráriwa Onorúgame» o «relijioni» napu boʼné nareme ju? (Santiago 1:27, TNM; jena aní). Eʼnewa napu beníriame alué Biblia.
1. ¿Koche ruwime ju churigá niráriwa Onorúgame?
Churigá nirawa Onorúgame alé Bíbliachi uchúkame ju. Esusi anele Onorúgame: «Mué raʼichálila ʼla bijchiá ju» (Juan 17:17). Jaré relijioni tabilé nirame eteme ju napu anime ju alué raʼichala Onorúgame, alué Biblia; aʼboi galeme ju napu beníriame ju alué ralámuli. Jeobá tabilé galeme ju apirigá chajkena aʼrewa napu boʼne nulame (leériwa Marcos 7:9). Nobi, ramué oláriame ju Onorúgame ʼwe raʼsálagá ramué ʼwe aʼlá nerasa napu aní alué Biblia aminami ʼla eʼwasa napu boʼné nulá.
2. ¿Churigá ramué nirámili Jeobá?
Napurigá Jeobá ramué netele, biʼneli nirámili júkuru alué (Apocalipsis 4:11). Ye ju aminami ramué galémili ju Onorúgame, alekeri Jeobá tabilé najkí ramué unega napu ju mono, retrato o ujché jaré tábiri napurigá gulusí (leériwa Isaías 42:8).
Napu ju ramué nirárime biʼwígame nímala Onorúgame si «napu Onorúgame najkí» (Romanos 12:1). Ye ju napu galeme ju Jeobá ʼwe niraga eteme ju napu boʼné nulame napu ju alué newíkame. Aminami a’reme ju napu alué ju uné droga, peʼeli ʼlige rekútame.a
3. ¿Chonigá nerawa Jeobá suwábaga napuíka ralámuli napu eʼwame si?
Ramué nabí tarali napuíkame ju apirigá niráriwa «Jeobá [...] alé kongregacionchi» (Salmo 111:1, 2). Napurigá newáriame ju wikaráliame ju Jeobá (leériwa Salmo 104:33). Jeobá ramué tana napuíka napugiti boʼné ramué galé ʼlige guʼiro apirigá ʼwe raʼsálagá ejperéliwa nabí rawé. Napuʼlige napuíka, ʼwe oiláriwa ramué aʼbopi.
ABÉ BENIBOA
Jena ujché rajpé beníriwa napu ju Jeobá ʼma tabilé galeme ju ramué unewa alué retrato apirigá niráriwa alué. Eʼnewa ujché rajpé churigá napu ramué nirárime Onorúgame.
4. ʼWe enátiri ju unega alué retrato ramué nirágachi
¿Churigá ramué machí ye tabilé galé Onorúgame? Eʼnewa alué VIDEO ʼlige raʼichawa ye:
¿Tachiri ikile ʼwe ʼya napuʼlige jaré ralámuli israelita nirame nile Jeobá unele bilé mono?
Jaré ralámuli nirame ju bilé retrato, arigá aʼboi ’nátame ju aʼbeka mochime ju Onorúgame si. Nobi ¿ye netea tabilé chajkena elá Onorúgame? Leériwa Éxodo 20:4-6 ʼlige Salmo 106:35, 36, ʼlige raʼichawa ye:
¿Tachiri tábiri o retrato mué eté uné alué ralámuli?
¿Tachiri ʼnata Jeobá unega alué retrato?
¿Tachiri ʼnata mué unega alué retrato?
5. ʼLa ʼma biʼneli niraga Jeobá, biʼwígame ju ramué napu ju alué relijioni tabilé bijchiá ju
Eʼnewa chonigá ʼma niraga Jeobá ʼma maʼchí pátime ju ramué napu ju alué relijioni tabilé bichiá ju. Eʼnewa alué VIDEO.
Leériwa Salmo 91:14 ʼlige raʼichawa ye:
Napu ramué netéasa napu Jeobá najkí arigá machíname ju ramué galeme ju boʼné napu ju boʼné nirárime, ¿Jeobá chu ʼsímala ramué si?
6. Niráriwa Onorúgame napu ju napuíkachi alé kongregacionchi
Napuʼlige wikaráreachi ʼlige ʼweti oʼwina sekala alarigá raʼichawa alé napuíkachi, arigá niráriwa Jeobá aminami oiláriwa aʼnagupi. Leériwa Salmo 22:22 ʼlige raʼichawa ye:
¿Galeme ju mué napu anime ju alé napuíkachi?
¿Mué najkí beniria apirigá ʼweti elásamala sekala alé napuíkachi arigá raʼichámala mué?
7. Jeobá ʼwe galeme ju ramué raʼichasa ujché jaré si napu ramué beníriame ju
Nerú weʼká tábiri churigá raʼichawa napu beniri alué Biblia. Leériwa Salmo 9:1 ʼlige 34:1, ʼlige raʼichawa ye:
Suwábaga napu mué benile alé Bíbliachi, ¿tachiri galé mué raʼichánale ujché jaré si?
JARÉ RALÁMULI ANÍ: «Ramué ʼwe aʼlá nisa, taʼmé ʼwe najtékame ju churigá niráriwa Onorúgame».
¿Tachiri mué ʼnata?
ABÉ NAJTÉKAME
ʼWe raʼsálagá ajtime ju Onorúgame napu ramué boʼné biʼneli nirágasa, napuʼlige ramué nirágasa alué napuíkachi alé kongregación ʼlige ramué raʼichasa ujché jaré si napu ramué beníriame ju.
Api mué ʼma benile
¿Koche aní churigá najkí Onorúgame apirigá nerawa?
¿Chonigá nerawa pe biʼneli Jeobá?
¿Chonigá nerawa Onorúgame suwábaga napuíka alué ralámuli napu eʼwánale si?
UCHÉ RAJPÉ ʼYÁAWA
Leériwa alué tétali «ʼMa tabilé ju pioni alué mono» napurigá bilé mukí ʼmá tabilé nirárime ju alué mono.
«Alué Biblia guʼírile apirigá seʼwinátiri niwa» (La Atalaya, 1 de julio de 2011)
ʼYáawa ujché rajpé apirigá oʼwíniwa sekala alarigá raʼichawa alué napuíkachi.
«Nirawa Jeobá alé kongregacionchi» (La Atalaya, enero de 2019)
Eʼnewa churigá alué napuíkachi guʼírile bilé reʼmalí rekó ʼwe nóchale nile simiá alué.
Weʼká ralámuli ʼnata alué gulusí aʼlá ju, ¿nobi ʼláchigo unewa alé nirárime alué Jeobá?
«¿Chonigá alué testigo Jeobá tabilé uné alué gulusí?» (Artículo de jw.org)
a Ye tábiri eʼnewa ujché leccioni.