Churigá nóchame alué kongregación

Jeobá galeme ju ʼwe aʼlá gatériame (1 Corintios 14:33). Alekeri boʼné puéblola abéchigó ʼwe aʼlá gatériame nímili ju. ¿Churigá nóchame alué kongregación kristiana? ¿Churigá ramué nejkúrima apirigá ʼwe aʼlá simírimala?

1. ¿Chieri nulá alé kongregación kristiana?

«Krístoka suwábaga boʼné oyérame nuleme ju» (Efesios 5:23). Esusi eteme ju ʼpa rewagáchika suwábaga napu neteme ju alué puéblola Jeobá bochígime gawichí. Ajchale alué «nóchame ʼwe aʼlá sébali nóchame ʼlige ʼwe aʼlá ʼnátame»: pe uʼkabi ralámuli rewégame bajchá jágame o anciano ʼwe machígame ju ʼlige abiena machirúgame ju Napu Aʼlá Neseme (leériwa Mateo 24:45-47, TNM). Apirigá cho nokame nile alué apóstoli ʼlige alué anciano alé Rusaleni bajchá siglo, alué Napu Aʼlá Neseme nulame ju alué kongregación bochígime gawichí (Hechos 15:2). Ye rió tabilé selígame ju ramué organisasión. ʼYáame ju napu tachiri aní Jeobá alé Bíbliachi, ʼlige eʼwame ju Esusi.

2. ¿Tachiri nóchali neteme ju alué bajchá jágame?

Alué bajchá jágame kristiano—napu ju rió ʼwe aʼlá benígame ju—ye beníriame napu beníriame ju Bíbliachi ʼlige neseme napu guʼíriga abiena oiláriwa alé kongregacionchi. Aʼboi tabilé goblálime ju napu nóchame ju. Alarigá nóchame «ʼwe ʼla ganíliga repúpua ʼla napurigá Onorúgame najkí»; tabilé «repúpua enomí koruka» (1 Pedro 5:1, 2). Alué bajchá jágame nareme ju guʼiri napu ju siervo ministerial, pe aʼminana umebámala anciano nímala.

Alué Napu Aʼlá Neseme chaʼpime ju jaré anciano apirigá nímala superintendente circuito. Ye ermano simime ju weʼkaná kongregación ʼyame ju guʼiria abiena oiláriwa. Abiena chaʼpime jaré ermano apirigá anciano ʼlige siervo ministerial nímala napu ʼwe aʼlá eʼwasa napu aní alué Biblia (1 Timoteo 3:1-10, 12; Tito 1:5-9).

3. ¿Tachiri nóchali néteme ju aʼpili Testigo?

Suwábaga alé kongregacionchi ʼwe aʼlá raʼíchame ju «Jeobá rewalá» ra’íchiga alé napuíkachi. Abiena predikáriga, aʼpili napu umébame ju (leériwa Salmo 148:12, 13).

ABÉ BENIBOA

4. Esusi ju bilé selígame nejime oilárime

Esusi nejí ʼwe semátiri nepárime. Leériwa Mateo 11:28-30 ʼlige raʼichawa ye:

• ¿Chieti ju Esusi napurigá selígame? ¿ʼLige churigá boʼné najkí ramué chu nilia mochiwa?

VIDEO: Alué nejkúrime alué anciano napu nokériame alué gawí alé Nepal (4:56)

Alué Biblia ruwile churigá nochámili ju alué bajchá jágame.

Leériwa Isaías 32:2 ʼlige 1 Pedro 5:1-3, ʼlige raʼichawa ye:

• Esusi nejime oilárime ujché jaré. ¿Chu níliame mué machiá ʼwe iwériga napu alué anciano nóchame ju aʼchigóriga Esusi?

• ¿Tachiri ujché rajpé newá alué bajchá jágame aʼchigóriga Esusi?

5. Alué bajchá jágame napu beníriame ju aʼboi neteme ju

VIDEO: Anciano, ¡simí bajchá! (7:39)

Esusi anile churigá nímala alué anciano napu oʼtome ju alué kongregación. Leériwa Mateo 23:8-12 ʼlige raʼichawa ye:

• ¿Churigá aní alué Biblia napu nímili ju alué bajchá jágame? ¿Mué mayé napu alué balé ʼlige ujché jaré selígame relijioso eʼwame napu aní alue Biblia?

1. Alué anciano ʼwe repume ju apirigá ʼwe aʼwágame nímala Jeobá si, guʼírime ju aʼboi rejimala apirigá netémala arigá.

2. Alué anciano ʼwe neraga eté suwábaga ralámuli mochiru alé kongregacionchi.

3. Alué anciano aʼkuepi predikárime ju.

4. Alué anciano ju beníriame. Abiena guʼírime ju alué beʼígame abiena ujché jaré nóchali.

6. Ramué nochawa bajchá jágame si

Alué Biblia aní chonigá ʼwe najtékame apirigá nochawa alué anciano si. Leériwa Hebreos 13:17 ʼlige raʼichawa ye:

• ¿Chonigá aní alué Biblia napu ramué eʼwámili ju ʼlige ʼwe aʼlá nirawa alué bajchá jágame? ¿Mué mayé ʼla ramué umebámala eʼwawa ye? ¿Chonigá?

Leériwa Lucas 16:10 ʼlige raʼichawa ye:

• ¿Chonigá ʼwe najtékame ju ramué nochámala alué bajchá jágame si rekó ramué ʼnata jaré tábiri pee najtékame ju?

ABÉ NAJTÉKAME

Esusi nulame ju alé kongregacionchi kristiana. Alué bajchá jágame eʼwame alué Esusi, ramué nóchame ju ʼwe raʼsálagá aʼboi si napugiti ripúlame ju ramué ʼlige beníriame ju ramué napu aʼboi beníriame ju aʼchigóriga aʼboi neté.

Api mué ʼma benile

• ¿Chieri nulame ju alé kongregación kristiana?

• ¿Churigá guʼíriga alué bajchá jágame alé kongregacionchi?

• ¿Tachiri nóchali neteme ju aʼpili testigo Jeobá?

UCHÉ RAJPÉ ʼYÁAWA

Eʼnewa churigá machiboa napu alué Napu Aʼlá Neseme ʼlige alué bajchá jágame ʼwe niraga eteme ju alué kristiano.

ʼWe iwériga alué ermano napuʼlige najátariame ju (4:22)

Machiboa napu neteme ju nóchali alué superintendente circuito.

Bilé nóchali napu neteme ju alué superintendente circuito bilena pueblo (4:51)

Leériwa tachiri nóchali neteme ju bilé mukí alé kongregacionchi.

«¿Alué testigo Jeobá umugí abiena beníriame ju?» (La Atalaya, 1 de septiembre de 2012)

Machiboa churigá alué bajchá jágame ʼwe iwériga nóchame ju apirigá oilárime alué ermano.

«Alué anciano kristiano, ʼwe aʼlá nóchame ju apirigá ramué ganíliga mochiwa» (La Atalaya, 15 de enero de 2013)