LECCIONI 54
¿Chu ʼsime «nóchame ʼwe aʼlá sébali nóchame ʼlige ʼwe aʼlá ʼnátame»?
«Krístoka suwábaga boʼné oyérame nuleme ju» (Efesios 5:23). Jipe rawé ʼpa rewagáchika Esusi ʼwe aʼlá oʼtome ju napu boʼné najátame ju jena wijchimoba, unegá alué «nóchame ʼwe aʼlá sébali nóchame ʼlige ʼwe aʼlá ʼnátame» (leériwa Mateo 24:5, TNM). Rekó Esusi aʼrele ye «nóchame» apirigá ʼwe aʼlá ʼnátiga napu tachiri nokimela ju, ʼwe aʼlá eʼwámala nímala ju Esusi ʼlige guʼírimala napu ju ermano Kristo. ¿Chieri ju alué nóchame? ¿Churigá ripúriame ju ramué alué nóchame?
1. ¿Chieri ju alué «nóchame ʼwe aʼlá sébali nóchame ʼlige ʼwe aʼlá ʼnátame»?
Jeobá uneme ju bilé rió o pe uʼkabi ralámuli apirigá nesérimala boʼné puéblola (Malaquías 2:7; Hebreos 1:1). A’kinana, napu Esusi mukusá, alué apóstoli ʼlige jaré bajchá jágame ju alé kongregación Rusaleni oʼtole alué Onorúgame puéblola (Hechos 15:2). Abalieri ju jipe, pe uʼkabi bajchá jágame Onorúgame puéblola, rewégame ju —Napu Aʼlá Neseme alué Testigo Jeobá— ye nejime ju goʼame espiritual ʼlige oʼtome ju alué nóchali predikáriame. Ye ka ju alué «nóchame ʼwe aʼlá sébali nóchame ʼlige ʼwe aʼlá ʼnátame» napu Esusi ajchale (Mateo 24:45a, TNM). Suwábaga napu ju alué Napu Aʼlá Neseme, kristiano chaʼpirúgame ju apirigá nulámala Kristo si ʼpa rewagáchika, yaʼmá tabilé ejperélichi jena wijchimoba.
2. ¿Tachiri ju alué goʼame espiritual napu alué «nóchame ʼwe aʼlá sébali nochame» nejime ju?
Esusi anile napu alué nóchame ʼwe aʼlá sébali nóchame «ʼyámala goʼame uché jaré [kristiano] napu aʼboi resí ʼla mochígachi» (Mateo 24:45b, TNM). Apirigá alué goʼame napu ramué goʼame ju, guʼírame ju ramué apirigá niwa aʼwágame ʼlige apirigá tabilé nayuwa. Alué goʼame espiritual —napu beníriame ju alué Biblia— aʼwalí ʼyárime ju ramué apirigá ʼwe aʼlá eʼwawa Jeobá ʼlige apirigá nochawa napu Esusi nulale (1 Timoteo 4:6). Ye goʼame espiritual narétiame ju alé napuíkachi ʼlige alé waʼlú napuwílime, abiena apélichi uchúkame ʼlige video napu guʼíriame ju apirigá machiboa tachiri najkí Jeobá ʼlige apirigá niwa amígola boʼné si.
ABÉ BENIBOA
Eʼnewa chonigá najkiárime ju alué «nóchame ʼwe aʼlá sébali nóchame ʼlige ʼwe aʼlá ʼnátame», napu ju alué Napu Aʼlá Neseme.
Alué Napu Aʼlá Neseme ʼyame ju goʼame espiritual, oʼtome ʼlige guʼírame alué testigo Jeobá bochígimi gawichí.
3. Napu ju Jeobá puéblola, nímala ju ʼwe aʼlá nochámala ju napuíka
Esusi oʼtome ju alué Napu Aʼlá Neseme apirigá aʼboi animela churigá netémala alué nóchali napu nóchame ju alué testigo Jeobá. Abalieri nile napu alué bajchá kristiano oʼtórime nile ʼwe ʼya Esusi gite. Eʼnewa alué VIDEO.
Leériwa 1 Corintios 14:33, 40 ʼlige raʼichawa ye:
Napu aní ye bersíkulo, ¿najkí Jeobá apirigá boʼné oyérame apirigá ʼla suériga nochámili ju? ¿Chonigá ʼnata mué alarigá?
4. Alué nóchame ʼwe aʼlá sébali nóchame ʼwe aʼlá oʼtome ju alué predikárime
Napu nile ʼwe ʼya bajchá kristiano, alué predikárime abé najtékame nile. Leériwa Hechos 8:14, 25 ʼlige raʼichawa ye:
Napu nile ʼwe ʼya bajchá siglo ¿chieri aneme nile churigá predikárimala?
¿Tachiri netele Pegro ʼlige Juani napuʼlige uché jaré apóstoli anele tachiri netémala nile?
Alué predikárime ju nóchali abé najtékame apirigá alué Napu Aʼlá Neseme. Eʼnewa alué VIDEO.
Esusi raʼíchame nile chiena ʼwe najtékame nile alué predikárime. Leériwa Marcos 13:10 ʼlige raʼichawa ye:
¿Chonigá alué Napu Aʼlá Neseme ʼwe niraga eteme ju alué predikárime?
¿Chonigá najkiaru napu alué «nóchame ʼwe aʼlá sébali nóchame ʼlige ʼwe aʼlá ʼnátame» oʼtomela ye nóchali bochígimi gawichí?
5. Alué nóchame ʼwe aʼlá sébali nóchame oʼtome ju ramué
Alué Napu Aʼlá Neseme, ʼwe aʼlá oʼtome ju alué kristiano bochígimi gawichí. ¿Churigá ʼnátame ju napu churigá nulámala nímala? Eʼnewa churigá netele alué napu aʼlá neseme napu churigá nulámala nile alué bajchá kristiano ʼwe ʼya. Leériwa Hechos 15:1, 2 ʼlige raʼichawa ye:
¿Chonigá naʼáutiame nile jaré kristiano napu nile ʼwe ʼya bajchá?
¿Chieri tánale nejkuri Páulo, Bernabé ʼlige ujché jaré apirigá gatémala ye raʼíchali?
Leériwa Hechos 15:12-18, 23-29, ʼlige raʼichawa ye:
Napu taʼchó ʼnátiga, ¿tachiri netele alué napu aʼlá neseme ju apirigá Onorúgame oʼtomela nile? (Eʼnewa bersíkulo 12, 15, ʼlige 28).
Leériwa Hechos 15:30, 31 ʼlige 16:4, 5, ʼlige raʼichawa ye:
¿Tachiri netele napu nile ʼwe ʼya bajchá kristiano napuʼlige alué napu aʼlá neseme ʼyale rejcholi?
¿Churigá guʼírale Jeobá napu aʼboi ʼma eʼwasa?
Leériwa 2 Timoteo 3:16 ʼlige Santiago 1:5, ʼlige raʼichawa ye:
¿Tachiri chu ʼsime ju bajchá alué Napu Aʼlá Neseme apirigá aʼlá naʼtámala?
JARÉ RALÁMULI ANÍ: «Napu eʼwasa alué Napu Aʼlá Neseme, apirigá najátowa bilé rió».
¿Chonigá mayé mué Esusi oʼtome ju alué Napu Aʼlá Neseme?
ABÉ NAJTÉKAME
Alué Napu Aʼlá Neseme, ju alué «nóchame ʼwe aʼlá sébali nóchame ʼlige ʼwe aʼlá ʼnátame» napu Esusi chaʼpile. Ye nóchame ʼyame oʼtome ʼlige goʼame espiritual alué kristiano bochígimi gawichí ejperégame.
Api mué ʼma benile
¿Chieri chaʼpile alué «nóchame ʼwe aʼlá sébali nóchame ʼlige ʼwe aʼlá nátame»?
¿Churigá repume ju ramué Napu Aʼlá Neseme?
¿Mayé mué alué Napu Aʼlá Neseme ʼlige alue «nóchame ʼwe aʼlá sébali nóchame ʼlige ʼwe aʼla ʼnátame» api pe biʼlepi ju?
UCHÉ RAJPÉ ʼYÁAWA
Eʼnewa churigá nóchame ju alué Napu Aʼlá Neseme.
«¿Chieri ju Napu Aʼlá Neseme alué Testigo Jeobá?» (Artículo de jw.org)
Beníriwa tachiri neteme alué Napu Aʼlá Neseme apirigá narewa goʼame espiritual aʼlá bijchiá nímala ju.
¿Tachiri ʼnátame ju alué Napu Aʼlá Neseme napu alué nóchali Esusi aʼrele aʼboi?
¿Churigá etériame ju alé napuíkachi ʼlige waʼlú napuwílime napu Jeobá oʼtome ju alué Napu Aʼlá Neseme?