LECCIONI 59
Mué ʼwe aʼlá anáchamala napu najátirime nisa
Siné rawé alué kristiano najátirime nímala ʼlige resí olárime nímala. ¿Aʼlá majárime nímala ye?
1. ¿Chonigá ramué buigá mochiru najátirime nímala ramué?
Alué Biblia aní napu «suwábaga napu ekí ʼla Esukristo oyériga ejperénilime ka asíriga najátawili ju alué chátiri ralámulite» (2 Timoteo 3:12). Esúsika najátirime nile napu boʼné tabilé oyérame nile alué chátiri ʼnátili napu nerú jena gawichí. ʼLige, napu ramué abienachigó tabilé oyérame ju alué tábiri chátiri napu nerú jena gawichí, alekeri ramué ʼma buigá mochiru napu alué gobierno ʼlige alué organisasión napu ju relijioni napu nerú gawichí ramué najátirime nímala (Juan 15:18, 19).
2. ¿Tachiri netewa taʼchó najátirime nisa ramué?
Jipe rawé ʼwe nóchiga mochiwa apirigá ʼwe aʼwágame nímala ramué fe. ¿Churigá netériame ju ye? Wanápiga pe ʼwera nabí rawé apirigá raʼichawa Onorúgame si ʼlige leeria boʼné Raʼíchala. Abiena, simiá napuíkachi alé kongregación nabí tarali. Ye netega mué nígame nímala aʼwalí apirigá anáchamala tabilé majaga napu uché jaré resí olámala mué, rekó napu mué rejimala nisa. Alué apóstoli Páulo, napu aʼkuepi najátirime nile, osale: «Waʼlula Onorúgame ʼsmi neʼchí guʼiria. Tabilé siné majame ju neka» (Hebreos 13:6).
Chechi bilé tábiri api guʼírimala ramué apirigá tabilé majame nibo, ju aʼkuepi predikaria. Napu ramué predikárisa benirú apirigá abé bijchígimala Jeobá ʼlige tabilé majá alué ralámuli (Proverbios 29:25). Mué tabilé majame nísaká predikaria jipe, ʼliko mué abijí predikárimala rekó alué gobierno elánili ramué nóchali (1 Tesalonicenses 2:2).
3. ¿Aʼlá nejkuri ramué napu ramué anáchasa napu najátirime nisa ramué?
Rekó ramué tabilé galeme ju apirigá najátirime niwa, napuʼlige ramué anáchasa napu resí olárime nisa, ramué fe aʼwágame gayéname ju. Abiena níliame ju abé aʼbeka Jeobá si napugiti etériame ju ramué boʼné guʼírame napu ramué mayesa ʼma tabilé gainárime ju anacha napu ju ramué aʼbopi aʼwalí (leériwa Santiago 1:2-4). Jeobá okome ju napu etega ramué resí níliga mochiru, raʼsáláme ju napu ramué etega napu tabilé guwana rujsusa. Alué Biblia aní: «ʼEmi ʼwe resí oliáe peka resí nokágame ke ʼemi, ʼliko ʼwe ʼla guʼíriwa ʼemi Onorúgamete» (1 Pedro 2:20). Suwábaga napu anáchame ʼlige tabilé aʼreme Jeobá, boʼné nejímala ajalí napu nabí nímala jena wijchimoba, napu tabilé nerúmala saíla napu resí olámala ramué napugiti najátiwa Jeobá (Mateo 24:13).
ABÉ BENIBOA
Eʼnewa jaré tábiri napu ramué beníriame napu ramué tabilé aʼrewa Jeobá rekó alué ralámuli ʼwe resí olachi. ʼLige abiena eʼnewa churigá Jeobá najtétamala ramué anáchisa ye tábiri.
4. Mué ʼla anáchamala rekó resí olárime nisa mué rejimala gite
Esusi ʼla machime nile abiena anile ramué rejimala tabilé aʼrémala nímala apirigá ramué najátamala Jeobá. Leériwa Mateo 10:34-36 ʼlige raʼichawa ye:
Napu bilé ralámuli najátisa Jeobá, ¿tachiri netémala nímala boʼné rejimala?
Apirigá machiboa jaré ralámuli napu simírale ye, eʼnewa alué VIDEO. ʼLige raʼichawa ye:
¿Tachiri chu ʼsímala mué napu bilé rejimala o bilé amígola anisá aʼrewa najátiga Jeobá?
Leériwa Salmo 27:10 ʼlige Marcos 10:29, 30. Napu ʼma leérisa aʼpili bilé texto, raʼichawa ye:
¿Churigá guʼiri mué ye raʼíchali apirigá anáchamala rekó mué resí olachi mué rejimala gite ʼlige amígola?
5. Tabilé aʼrewa Jeobá napuʼlige rekó alué ralámuli ʼwe resí olachi
Aʼwágame niwa apirigá najátiwa Jeobá rekó ujché jaré tabilé elachi ramué. Eʼnewa alué VIDEO. ʼLige raʼichawa ye:
¿Tachiri tábiri napu maʼchíname ju alé video guʼiri apirigá mué tabilé majámala?
Leériwa Hechos 5:27-29 ʼlige Hebreos 10:24, 25. Napu ʼma leérisa aʼpili bilé texto, raʼichawa ye:
¿Chonigá ʼwe najtékame ju apirigá najátiwa mochiga Jeobá rekó alué eʼwélala tabilé aʼré predicáriwa ʼlige napuípua?
6. Jeobá guʼírimala mué apirigá anáchawa
Napu ju testigo Jeobá seʼwinátiri bamígame ʼlige weʼkaná país tabilé aʼregá mochí najátiga Jeobá rekó ralámuli resí olachi. Apirigá machiboa tachiri netea mochí, eʼnewa alué VIDEO ʼlige raʼichawa ye:
¿Tachiri guʼírale ye rió ʼlige umugí Testigo apirigá anáchamala napu resí olachi?
Leériwa Romanos 8:35 ʼlige 37-39, TNM, ʼlige abiena Filipenses 4:13. Napu ʼma leérisa aʼpili bilé texto, raʼichawa ye:
¿Churigá guʼiri ye texto apirigá anáchamala mué apiépiri tábiri?
Leériwa Mateo 5:10-12 ʼlige raʼichawa ye:
¿Chonigá raʼsáláme nímala rekó alué ralámuli mué resí olachi?
Weʼká milloni Jeobá oyérame ʼwe anacha napu ʼwe resí olárime nisa. ¡Mué abiena anáchamala nímala!
JARÉ RALÁMULI ANÍ: «Ne tabilé anáchamala napu ju resí oláriame».
¿Chieri texto guʼírimala napu ʼnátame ju alarigá?
ABÉ NAJTÉKAME
Jeobá ʼwe niraga eteme ju napu ramué anáchame rekó resí olárime nisa. ¡Napu boʼné guʼírame aʼlá anáchame niwa!
Api mué ʼma benile
¿Chonigá alué kristiano ʼma machí najátirime nímala?
¿Tachiri netewa taʼchó najátirime nisa mué?
¿Tachiri guʼiri mué apirigá tabilé aʼrémala Jeobá rekó ʼwe chátiri simírasa?
UCHÉ RAJPÉ ʼYÁAWA
Eʼnewa churigá guʼírale Jeobá bilé reʼmalí napu bajcháriga asale napugiti tabilé eʼyénale alué tábiri napu nerú jena gawichí.
Machiboa tachiri guʼírale bilé newíkame apirigá tabilé aʼreme nile Jeobá weʼká bamí rekó resí oláriame nile.
Beníriwa apirigá aʼwágame niwa ʼwe aʼlá anáchamala resí olachi.
«Nóchiga mochiwa apirigá aʼwágame niwa jipe napu taʼchó najátirime nisa» (La Atalaya, julio de 2019)
¿Tachiri machiboa napu mué rejimala resí olachi? ¿Churigá kilí mochiwa tabilé aʼregá Jeobá?
«ʼLa bijchiá pe okame ju tabilé «kilí, pe siparina»» (La Atalaya, octubre de 2017)