LECCIONI 60
ʼWe iwériga nochawa apirigá mué abé aʼbeka asimela Jeobá si
Mué ʼwe benile Jeobá napu beniá asagá alué Biblia. Napu mué benile mué abé galegá ajtí Jeobá, kerékó mué ʼma anele Jeobá nabí oyéramala boʼné ʼlige ʼma rewarale. Napu mué taʼchó netéasa, pe ʼwe netémala nímala mué. Napu mué ʼma rewarasa ʼwe najtékame ju ʼwe nochawa apirigá abé aʼbeka asiboa Jeobá si. Mué netega asimela ye nabí. ¿Chonigá?
1. ¿Chonigá ʼwe iwériga nochámala apirigá mué nímala abé aʼlá amígola Jeobá si?
ʼWe aʼwágame nocháriwa apirigá ramué niwa abé aʼlá amígola Jeobá si. ¿Chonigá? «Napurigá tabilé weʼkuawa iʼkilimi» ʼlige arigá ʼwe mejká mochiwa (Hebreos 2:1). ¿Tachiri guʼírimala ramué apirigá tabilé aʼrémala Jeobá? ʼLiko ʼwe nóchiga mochiwa predikáriga ʼlige ʼyáaga uché jaré tábiri, arigá ramué ʼyámala Onorúgame uché rajpé (leériwa Filipenses 3:16). ¡Napu najátiriga Jeobá ju ʼwe aʼlá, tabilé nerú chechi bilé tábiri ʼwe aʼlá! (Salmo 84:10).
2. ¿Tachiri uché rajpé tábiri netega asimela mué?
Rekó ʼma suwíliga beniá ye líburu, mué pe kulí chojkiga ajtí bejtega napurigá bilé kristiano. Alué Biblia aní aʼpílipi kristiano «ʼla sébali olame nímala napurigá najkí Onorúgame» (Efesios 4:23, 24). Mué abé beníriga asá Onorúgame Raʼíchala ʼlige simiá alué napuíkachi alé kongregacionchi, mué uché rajpé benimela Jeobá ʼlige alué tábiri semátiri napu Jeobá nígame. Naʼtawa churigá netémala mué napurigá Jeobá. ʼLige seʼwinátiri niwa apirigá raʼsálimala Jeobá.
3. ¿Churigá guʼírimala Jeobá apirigá mué abé aʼbeka asimela Jeobá si?
Alué Biblia aní: «Onorúgame ʼwe ʼla semáriga ʼnátame newámala ʼemi ʼla biʼlepi ʼnátili ʼnátame ʼlige ʼla aʼwágame sulégame […]. Alarigá guʼírimala Onorúgame ʼemi» (1 Pedro 5:10). Suwábaga ramué neténali tábiri napu ju tabilé ʼwe aʼlá, nobi Jeobá nejí napu ramué resí ʼlame apirigá aʼwágame mochiwa (Salmo 139:23, 24). Boʼné aní ramué ʼyámala aʼwalí ʼlige apirigá najkimela najatia boʼné (leériwa Filipenses 2:13, TNM).
ABÉ BENIBOA
Eʼnewa churigá ʼwe iwériga nochawa apirigá abé aʼbeka asimela Jeobá si ʼlige tachiri ʼwe aʼlá nejímala Jeobá.
4. Tabilé aʼregá raʼíchiga napu ju mué amígola ʼwe aʼlá
Netega oracioni ʼlige beniá alué Biblia ʼwe aʼlá guʼiri apirigá niwa amígola Jeobá si. ¿Aʼlá gayena ye tábiri apirigá abé aʼbeka asimela Onorúgame si? ¿Churigá?
Leériwa Salmo 62:8 ʼlige raʼichawa ye:
Abé aʼlá raʼíchiga napu mué oracioni netéachi arigá guʼírimala abé aʼwágame amígola nímala Jeobá si. ¿Churigá netémala ju mué?
Leériwa Salmo 1:2 ʼlige raʼichawa ye:
Abé aʼlá leeria alué Biblia ʼwe aʼlá guʼiri apirigá niwa amígola Jeobá si. ¿Churigá netémala ju mué?
¿Churigá abé aʼlá námala napu mué beniá alué Biblia? Apirigá machiboa churigá, eʼnewa alué VIDEO. ʼLige raʼichawa ye:
Napu ʼma etériame alé vidéochi, ¿tachiri netémala ju mué?
¿Tachiri tábiri mué benínali?
5. ʼNátiga churigá abé ʼyámala ju mué Jeobá
Napu mué ʼnátisa churigá abé ʼyámala Jeobá ʼliko abé aʼbeka asimela alué si. Eʼnewa alué VIDEO ʼlige raʼichawa ye:
¿Churigá guʼírale alué Cameron abé uché rajpé ʼyale Jeobá?
Tabilé suwábaga gayéname ju simiá uchechi bilé jarena país apirigá predikárimala. Suwábaga ramué gainárime ju ʼyámala uché rajpé. Leériwa Proverbios 21:5 ʼlige raʼichawa tachiri tábiri neténali mué...
... alé kongregacionchi.
... alé predikárichi.
¿Churigá guʼiri ye rejcholi apirigá netémala mué napu mué najkí?
Jaré tábiri napu mué neténali
Abé aʼlá raʼichámala netea oracioni Jeobá.
Leériga suwábaga alué Biblia.
Machiá suwábaga ermano mué kongregacionchi.
Chojkiá beniria ujché jaré alué Biblia.
Niga prekursor auxiliar o regular.
Napu ju rió, abé nochámala apirigá gainámala bilé guʼírame alué bajchá jágame ju.
6. ¡ʼWe raʼsálagá bejtewa nabí rawé!
Leériwa Salmo 22:26 ʼlige raʼichawa ye:
¿Tachiri chu ʼsímala mué napurigá ʼwe raʼsálámala mué bejtewa jipe ʼlige nabí?
ABÉ NAJTÉKAME
ʼWe iwériga nochawa apirigá mué abé aʼbeka asimela Jeobá si ʼlige netega napu mué neténali Jeoba si. ¡Alarigá ʼwe raʼsálagá bejtewa nabí rawé!
Api mué ʼma benile
¿Chonigá machí mué napu Jeobá mué guʼírimala apirigá nabí najátimala?
¿Tachiri chu ʼsímala mué apirigá nímala abé aʼlá amígola Jeobá si?
¿Churigá abé aʼbeka asimela Jeobá si napu mué abé ʼyánisa Jeobá?
UCHÉ RAJPÉ ʼYÁAWA
¿Tachiri abé najtékame eteme ju Jeobá: bilé tábiri waʼlú napu netérime ju Jeobá gite siʼnepi rawé o apirigá najátiwa Jeobá nabí?
Napu ju bilé oyérame Jeobá iʼsínimi tabilé ʼwesi tábiri neténali. Eʼnewa tachiri netémala ju.
¿Tachiri rokáré apirigá mué netémala apirigá mué neténali napu Jeobá gite?
«Netériwa tábiri apirigá raʼsáláwa Jeobá» (La Atalaya, 15 de julio de 2004)
Eʼnewa chonigá ju ʼwe najtékame apirigá niwa bilé kristiano ʼwe aʼlá ʼnátame ʼlige churigá netémala ju mué?