LECCIONI 28

Etériwa chiena ʼwe najtékame ju napu Jeobá ʼlige Esusi neteme mué gite

Edición impresa

¿Chu nile mué bilé amígola nejisa bilé tábiri ʼwe semátiri? ʼWe raʼsálagá ajtíme ju mué etériame ju mué gite ʼwe najtékame ju napu alué amígola nejile. Jeobá ʼlige Esusi nejile bilé regalo ʼwe najtékame nibilé ʼwesi nejime ju: alué najtétirime ju. Beníriwa churigá etériwa ramué aʼbopi napu ramué ʼya cheliérabá.

1. ¿Churigá etériame ju ramué aʼbopi ʼwe najtékame ju napu netele Onorúgame ʼlige Cristo Esusi ramué gite?

Alué Biblia aní napu «etériame napu nígame ju alué fe Onorúgame Inolá»—alé napu anime ju Esusi—napu nabí bejtéliame (Juan 3:16, TNM). ¿Churigá etériame ju alué fe napu ju Esusi si? Ju bijchiá napu boʼné, abiena etériame ju napu ramué neténali ju ʼlige ramué netériame (Santiago 2:17). Napuʼlige ramué etériame ju napu netériame ʼlige aʼboi raʼíchali a’wágame gayena napu ju alué amistad Esusi ʼlige boʼné Oʼnola si Jeobá (leériwa Juan 14:21).

2. ¿Chiéniko ramué etériame ju ramué waʼlú cheliera ʼya napu ju Jeobá ʼlige Esusi?

ʼLige rukó taʼchó mukiá, Esusi anele boʼné najátame churigá ʼyámala cheliérabá napu boʼné mukule. Aʼrele bilé rawé ʼwe najtékame napu aní alué Biblia «Goʼame naʼtáriame napuʼlige alué Esusi mukule» abiena anilime ju Naʼtáriwa napuʼlige Esusi mukule (1 Corintios 11:20). Esusi aʼrele apirigá alué apóstoli—ʼlige, abiena napu ju alué kristiano ʼla bijchiá ju—arigá naʼtálimala boʼné mukule suwábaga ralámuli gite. Napu ye raʼíchiga anile ye rawé ʼwe najtékame, Esusi anile: «ʼLige ʼemi ʼla senibí aʼchigóriga nokoboa aʼkinana ne mukusá neʼchí nélegá» (Lucas 22:19). Mué simisá alué Naʼtáriwa napuʼlige Esusi mukule, mué boʼné etérimala nímala ʼwe niraga eté napu ju alué galériame waʼlú napu Jeobá ʼlige Esusi chu nilia ramué gite.

ABÉ BENIBOA

Ujchechi bilé tábiri machiboa churigá ʼyawa cheliérabá Jeobá ʼlige Esusi napu asíriga waʼlú galériame. ʼLige beníriwa chiena ʼwe najtékame ju alué Naʼtáriwa napuʼlige Esusi mukule.

3. ʼLa ramué cheliera ʼyasa gu’iro arigá ramué ʼla olámala

Naʼtawa napu mué gusó baʼwí ʼyuga ʼlige ujchechi bilé guʼiri. ¿ʼWe yati weʼkámala napu alué ralámuli guʼírile? ¿O ʼwe yati naʼtámala mué chu símala apirigá ʼyámala chiliérabá?

Ramué ajágame mochiru Jeobá gite. Leériwa 1 Juan 4:8-10 ʼlige raʼichawa ye:

¿Chonigá ju bilé regalo ʼwe najtékame napu Esusi mukule?
¿Chu nilia mué napu naʼtasa napu Jeobá ʼlige Esusi neteria mué gite?

¿Churigá etériame ju ramué ʼwe najtékame ju napu Jeobá ʼlige Esusi netériame ramué gite? Leériwa 2 Corintios 5:15 ʼlige abiena 1 Juan 4:11 ʼlige 5:3. Pe aʼminana leérile aʼpílipi bersíkulo, raʼichawa ye:

¿Churigá ʼyawa cheliérabá Jeobá ʼlige Esusi?

4. Netewa napu churigá Esusi netele

Abiena ʼyárame ju cheliérabá napu ramué nisa napurigá Esusi netele. Leériwa 1 Pedro 2:21 ʼlige raʼichawa ye:

¿Churigá najátamala mué Esusi ʼwe ʼla niraga etega napu Esusi netele?

Esusi leériga bilé apeli kabítigame napu ju Onorúgame raʼíchala. — Esusi ʼwe galeme nile napu ju Onorúgame Raʼíchala. Predikáriame nile ʼwe aʼlá raʼíchali aminami guʼírile nile alué ralámuli.

Esusi raʼíchiga bilé mukí samaritana si bilena bacholi. — Esusi ʼwe galeme nile napu ju Onorúgame Raʼíchala. Predikáriame nile ʼwe aʼlá raʼíchali aminami guʼírile nile alué ralámuli.

5. Naʼtámala Esusi mukule

Machiboa siné bajchá netériame alué Goʼame naʼtáriame napuʼlige alué Esusi mukule, leériwa Lucas 22:14, 19, 20. ʼLige raʼichawa ye:

¿Chu ikile Goʼame naʼtáriame napuʼlige alué Esusi mukule?
¿Tachiri ju alué baní ʼlige iʼwilí baʼwila? (Eʼnewa alué bersíkulo 19 ʼlige 20).

Esusi najkile napu ju alué oyérame netémala ye Goʼame naʼtáriame napuʼlige alué Esusi mukule siʼnepi nabí bamí, napuʼlige rawé mukule. Alekeri alué testigo Jeobá napuíkame ju nabí bamí apirigá naʼtáriwa napu Esusi mukule, netériame ju napu churigá nile boʼné netewa. Machiboa chieti ju ye napuíkame ʼwe nirágame, eʼnewa alué VIDEO. ʼLige raʼichawa ye:

VIDEO: Naʼtáriwa napuʼlige alué Esusi mukule (1:42)

Uʼteli alué video «Naʼtáriwa napuʼlige alué Esusi mukule». Testigo Jeobá alé Goʼame naʼtáriame napuʼlige alué Esusi mukule.

¿Tachiri netériame ju alé Naʼtáriwa napuʼlige Esusi mukule?

Bilé bilato baní ʼyuga tabilé lebadura ajtígame ʼlige bilé kopa iʼwilí baʼwila iligame.

Alué baní ʼlige iʼwilí baʼwila símbolo ju. Alué baní aniame ju alué Esusi saʼpchila perfekto, nejile suwábaga ramué gite. Alué iʼwilí baʼwila aniame ju Esusi elá.

Simíriga bilé iʼwilí baʼwila alé Goʼame naʼtáriame napuʼlige alué Esusi mukule.

JARÉ RALÁMULI ANÍ: «Apirigá tabilé mukiboa, pe bijchiwa Esusi».

¿Churigá unémala mué Juan 3:16, TNM ʼlige Santiago 2:17 apirigá ruyémala napu abiena netémala ujché jaré tábiri?

ABÉ NAJTÉKAME

ʼYawa cheliérabá Esusi napu netele ramué gite etériame nima ramué a’bopi ramué nígame ju bilé fe ʼlige simiá alé Naʼtáriwa napuʼlige Esusi mukule.

Api mué ʼma benile

¿Churigá etériame ju alué fe Esusi si?
¿Mué anénale Jeobá ʼlige Esusi napu ʼwe najtékame ju napu netele mué gite? ¿Churigá neténale mué?
¿Chonigá ju ʼwe najtékame simiá alé Naʼtáriwa napuʼlige Esusi mukule?

Chiéniko suwile alué leccioni:

Netewa ye

Simawa che siné Naʼtáriwa napuʼlige Esusi mukule. Rukewa alué beníriame chiéniko nímala ʼlige ujchawa alué rawé alé kalendario.

Netewa uché jaré tábiri:

Jaré api mué olánale

UCHÉ RAJPÉ ʼYÁAWA

Gepuwa napu tachiri neténale ju machiá Kristo mukule.

Boʼné sa’pchila Esusi nirárime Jeobá (9:28)

Beníriwa ujché rajpé napu alué fe aminami churigá etériame ju.

«Nígame niwa alué fe napu Jeobá netémala» (La Atalaya, octubre de 2016)

Bilé mukí náule tachiri ju alué Esusi mukule seʼwinátiri ralámuli gayénale. Leériwa chu ikile napu ju alué raʼíchali «Biʼwígame nígame ajtí ne, ʼwe raʼsálagá ʼlige kilí».

«Alué Biblia guʼírile apirigá seʼwinátiri niwa» (La Atalaya, 1 de agosto de 2011)

Eʼnewa chonigá pe u’kabi ralámuli goʼame ju baní ʼlige bajime iʼwilí baʼwí alé Naʼtáriwa napuʼlige Esusi mukule.

«¿Chonigá alué testigo Jeobá neteme Goʼame naʼtáriame napuʼlige alué Esusi mukule neteme ju seʼwinátiri napurigá ujché jare relijioni?» (Artículo de jw.org)