LECCIONI 34
¿Churigá ramué etériame ʼwe galé Jeobá?
¿Aʼlá chu nilia mué aʼbeka Onorúgame si napu mué beniá ajtí alué Biblia? ¿Mué aʼlá najkí alué amígola abé aʼwágame gainámala boʼné si? ʼLiko naʼtawa, Jeobá etésaká abé galé mué boʼné, abiena boʼné abé galémala mué aminami repúmala mué.
1. ¿Churigá ramué etériame ʼwe galé Jeobá?
Ramué aʼlá eʼwasa etériame ju ramué aʼlá galeme ju Onorúgame (leériwa 1 Juan 5:3). Jeobá tabilé iweri nulame napurigá ramué eʼwame ju boʼné. Jeobá lisensia ʼya apirigá ramué chaʼpí tachiri nokinali ramué. ¿Chonigá? Napugiti Jeobá najkí ramué «ʼwéchigó aʼlá eʼwágó» (Romanos 6:17). Ye aniame ju, Jeobá najkí napu ramué eʼwawa napu galériame ju boʼné, tabilé najkí api ramué eʼwawa napugiti boʼné iweri nulame ramué. Alué seccioni 3 ʼlige 4 nejkúrimala apirigá etériame ju mué ʼwe galé Jeobá, ye oká tábiri: netea napu boʼné galé abiena aʼregá napu boʼné tabilé galeme ju.
2. ¿Chonigá iʼsínimi ʼwe nóchali ramué etériame Jeobá ramué ʼwe galé boʼné?
«Bilé ralámuli ʼwe aʼlá oyérame Jeobá ʼwe resí ikime ju» (Salmo 34:19). Suwábaga resí níliga mochírime tabilé ʼwe sébali olárime ju ramué. Aminami tabilé nígame mochiru enomí, ujché jaré cha olame ju ramué aminami ujché jaré tábiri resí níliga mochí. Napuʼlige ramué ʼwe resí nília mochígachi abé nóchame nímala apirigá ramué netémala napu Jeobá najkí. ʼLige taʼmé nóchame nímala apirigá tabilé eʼwawa. Napu mué ʼwe iwériga nocha napu netea Jeobá najkí, etériame ju mué napu ʼwe galé Jeobá meʼtigá ujché jaré tábiri. ʼLige abiena etériame ju napu mué tabilé aʼrémala. ʼLiko boʼné tajsiné aʼrémala (leériwa Salmo 4:3).
ABÉ BENIBOA
Eʼnewa chonigá Jeobá ʼwe najtékame eté napu ramué ʼwe aʼlá eʼwasa ʼlige tachiri guʼírimala ramué apirigá tajsiné aʼrémala boʼné.
3. Bilé tábiri napu mué etériame nímala
Napu alué Biblia aní alé líburu Job, Satanasi anile bilé ʼyégame, tabilé nile pe Jobi si, abiena anile napu suwábaga ralámuli napu Jeobá eʼwánale. Leériwa Job 1:1 ʼlige 1:6-2:10, ʼlige raʼichawa ye:
Napu anile Satanasi, ¿chonigá Jobi eʼwame nile Jeobá? (Eʼnewa Job 1:9-11).
¿Tachiri anile Satanasi napu ju suwábaga ralámuli, mué abiena niraga? (Eʼnewa Job 2:4).
Leériwa Job 27:5b ʼlige raʼichawa ye:
¿Churigá etériame ju napu ju alué Jobi aʼlá galeme nile Jeobá?
Napuʼlige Jobi tabilé aʼrele Jeobá alarigá etériame nile ʼwe galeme nile Jeobá.
Napuʼlige ramué tabilé aʼrele Jeobá, etériame ju ʼwe galegá Jeobá.
4. Raʼsáláwa napu ju Jeobá sulachí
Leériwa Proverbios 27:11 ʼlige raʼichawa ye:
¿Chu níliame ju Jeobá napu mué ʼla eʼwasa ʼlige netéasa napu boʼné galeme ju? ¿Chonigá?
5. Mué umeba eʼwámala Jeobá
Napu ramué nígame ju galériame napu Jeobá si raʼichálime ju ujché jaré si napu ju boʼné. ʼLige ramué e’wame nisa tabilé a’rérima nímala predikárimala rekó ʼwe nóchali nisa. Eʼnewa alué VIDEO ʼlige raʼichawa ye:
¿ʼWe nóchali ju mué raʼicháriga ujché jaré si napu ju alué Jeobá?
Napu aní alué video, ¿tachiri netele Grayson apirigá tabilé majámala?
Tabilé nóchali ju eʼwámala napu galésaká napu Jeobá galé ʼlige gichísaká napu boʼné gichí. Leériwa Salmo 97:10 ʼlige raʼichawa ye:
ʼNátiga napu mué benile jipe si, ¿tachiri tábiri ju napu Jeobá galeme ju? ¿ʼLige tachiri tábiri ju napu boʼné ʼwe gichime ju?
¿Churigá benimela mué apirigá galémala napu ju alué ʼwe aʼlá aminami gichiwa napu ju ʼwe chátiri?
6. Eʼwá Jeobá ʼwe aʼlá ju ramué gite
Eʼwá Jeobá nabí abé aʼlá ju. Leériwa Isaías 48:17, 18 ʼlige raʼichawa ye:
¿Mué aʼlá mayé Jeobá aʼlá machí tachiri ju ʼwe aʼlá apirigá ramué niwa? ¿Chonigá ʼnata alarigá?
¿Churigá nejkuri jipe si napu beniá alué Biblia ʼlige machiá napu ju Jeobá, alué Onorúgame ʼla bijchiá?
JARÉ RALÁMULI ANÍ: «Onorúgame tabilé niraga eteme napu ne neteme ju».
¿Tachiri texto bíbliko unémala mué apirigá beníriga napu ramué netériame ju chu níliame Jeobá?
ABÉ NAJTÉKAME
Mué etériame ju aʼlá galé Jeobá napu aʼlá e’wasa ʼlige tabilé aʼresa rekó resí nilia mochígachi.
Api mué ʼma benile
¿Tachiri beniri napu ʼsile alué Jobi?
¿Churigá etériame ju mué napu galeme ju Jeobá?
¿Tachiri guʼírimala mué apirigá tabilé aʼrémala Jeobá?
UCHÉ RAJPÉ ʼYÁAWA
Machiboa churigá tabilé aʼrewa Jeobá nibilé alué kongregación.
Machiboa ujché rajpé tábiri napu ʼyégame anile Satanasi.
«Jobi ʼwe aʼlá eʼwame nile» (La Biblia y su mensaje, sección 6)
Eʼnewa churigá alué uʼkuchítiri abiena etériame ju napu galeme Jeobá.
¿Churigá umebámala alué ejtemali netea napu Jeobá najkí rekó ujché jaré ejtemali najkime ju apirigá ʼwe chátiri netémala?