Nabí aʼlá sébali olawa ramué

Suwábaga ramué najkiaru nígame niwa bilé amigo ʼwe aʼlá sébali olame, Jeobá abiena najkí amigo alieri. Nobi  ʼwe nóchali ju ʼla sébali netémala napu weʼká ralámuli tabilé ʼla sébali anime ju ujché jaré. ¿ʼWe aʼlá ju apirigá aʼlá sébali olame niwa? ¿Chonigá?

1. ¿Chonigá ʼwe najtékame ju apirigá ʼla sébali olame niwa?

Napu ramué ʼla sébali olame nisa, eʼnériame ju ramué napu galériame ju Jeobá ʼlige ʼla niraga eteme ju. Tabilé weʼkawawa, Jeobá machime ju napu ramué ʼnátame ju ʼlige neteme ju. (Hebreos 4:13). Boʼné ʼla machí napu ramué najkisá ʼla sébali olawa ʼlige ʼwe niraga eté. Boʼné Raʼíchali aní: «Jeobá gichime ju alué ralámuli iʼnílame ju, nobi Jeobá ajtime ju aʼbeka ralámuli si ʼwe aʼlá neteme» (Proverbios 3:32).

2. ¿Chiéniko ʼla sébali olame niwa?

Netega napu Jeobá buwé napu ramué netémala ju abiena ju «aniá ʼla bijchiá aʼnagupi» (Zacarías 8:16, 17). ¿Chu aniame ju ye? Tabilé ʼyégame raʼichawa o tabilé raʼichawa napu tabilé bijchiá ju napu ju ramué rejimala si, ʼlige alué gompaniérola ramué nóchali, tabiléchigo ermano si alué kongregación nibilé suwábaga napu nulame ju. Alué ralámuli ʼla sébali olame ju tabilé chigóriame ju tabiléchigo ʼyégali unegá bujega enomí ujché jaré nígame ju. (leériwa Proverbios 24:28 ʼlige Efesios 4:28). Abiena, najtétime napu tánime ju alué gobiérnola (Romanos 13:5-7). Netega ye ʼlige weʼkaná neraga, najkiaru «nabí aʼlá sébali oliá ramué suwábaga ʼyuga» (Hebreos 13:18).

3. ¿Chonigá ʼwe aʼlá ju apirigá ʼwe ʼla sébali olame niwa?

Suwábaga ralámuli machisá napu ʼla sébali olame niru, aʼlá bijchígame ju ramué. Abiena, suwábaga alé kongregación kilí ganíliga mochiru ʼlige arigá bijchiwa aʼnagupi, napurigá bilé rejimala neraga. Abiena ʼwe ganíliga mochiru ramué aʼboi. Napu ʼla sébali olame nisa, uché jaré ralámuli animela ʼla suétiri ko «alué raʼíchali Onorúgame nila, alué Onorúgame ramué aʼkabámana jáwame», arigá guʼírimala ujché jaré apirigá oyérnili Jeobá (Tito 2:10).

ABÉ BENIBOA

4. Alué Jeobá galeme ju alué ralámuli napu ʼwe aʼlá olame ju

Leériwa Salmo 44:21 ʼlige Malaquías 3:16, ʼlige raʼichawa ye:

• ¿Mué mayé apirigá aʼlá umériame ju nasokia napu ju aʼlá bijchiá? ¿Chonigá ʼnata mué alarigá?

• Ramué aʼlá bijchiá raʼichasa, rekó ʼwe nóchali nisa, ¿chu nílimala Jeobá?

5. Nabí ʼla sébali olawa

VIDEO: ¿Tachiri guʼírimala apirigá raʼsálagá mochiwa? Kilí mochí ramué aʼboi (2:32)

Leériwa Hebreos 13:18 ʼlige raʼichawa churigá ʼla sébali olame nímala...

• ... alué rejimala si.

• ... napu mué nóchame ju o alé eskuélachi.

• ... napu ju uchechi bilé tábiri.

6. ʼWe aʼlá sébali olame nisa nejkuri ramué

Iʼsínimi napu ramué ʼla sébali olasa, nerúgame nímala naʼáutiame, nobi nabí abé aʼlá nímala. Leériwa Salmo 34:12-16 ʼlige raʼichawa ye:

• ¿Churigá abé aʼlá bejtewa ramué ʼla sébali olasa?

1. Napu aʼlá sébali olasa alué gunala ʼlige alué upila, abé bijchígimala aʼbopi.

2. Napu alué ralámuli nóchame aʼlá sébali olasa, alué batroni ʼla bijchígimala alué.

3. Napu alué ralámuli aʼlá sébali olasa, ʼwe aʼlá etériame ju alué eʼwélalate.

ABÉ NAJTÉKAME

Jeobá najkí napu ju boʼné amígola aʼlá sébali olame ju aminami napu suwábaga ramué raʼíchame ʼlige napu neteme ju.

Api mué ʼma benile

• ¿Chiéniko ʼla sébali olame niwa?

• ¿Chonigá tabilé umériame ju nasokia napu ju aʼlá bijchiá?

• ¿Chonigá mué nabí ʼla sébali olame nímili ju?

UCHÉ RAJPÉ ʼYÁAWA

¿Churigá benírimala alué oʼnola aʼboi ʼkúchila apirigá ʼwe aʼlá sébali olámala?

Nabí ʼla bijchiá raʼichawa (1:44)

¿Tachiri tábiri ʼwe aʼlá narémala napu aʼboi netesa napu aʼboi anile?

Netewa napu mué ʼma anile, arigá narémala ʼwe aʼlá (9:09)

Beníriwa aʼlá najtétiwa ramué alué enomí napu tánime ju alué gobierno rekó alué enomí unériame ju apirigá chibi netémala.

«¿ʼLa najtétimala mué alué enomí napu tánime ju alué gobierno?» (La Atalaya, 1 de septiembre de 2011)

¿Tachiri guʼírale alué ʼyégame raʼíchiga chigógame nile apirigá seʼwinátiri nímala ʼlige alarigá ʼla sébali olame nímala?

«Ne benile api Jeobá ju ʼwe aʼlá ʼlige ʼla eʼkame ju ramué» (La Atalaya, 1 de mayo de 2015)