LECCIONI 40
¿Churigá niwa biʼígame apirigá Onorúgame etémala ramué biʼígame?
Naʼtawa bilé eyela ʼwe galeme boʼné ranala oʼtomela ju eskuélachi. Eteme ju aʼlá úbale ʼlige alué oʼpáchala biʼígame ju. Arigá tabilé nayúmala alué ranala ʼlige etériame ju alué oʼnola ʼla repume ju. Jeobá, ramué oʼnola, galeme ju ramué, abiena najkí apirigá ramué niwa biʼígame, napu ramué nígame ju ʼlige napu neteme ju. Biʼígame nisa nejkuri ramué aminami ʼwe aʼlá raʼichárime ju alué Onorúgame.
1. ¿Churigá ramué biʼígame niwa napu ramué nígame ju tábiri?
Jeobá aní ramué: «ʼLa asíriga biʼígame niwa» (1 Pedro 1:16, TNM). Apirigá ʼla asíriga biʼígame niwa, biʼígame niwa napu ramué nígame ju ʼlige napu netemeju. Ramué biʼígame ju napu ubasa aʼkuepi, aminami napu ramué oʼpáchala, galila ʼlige ramué troka ʼwe biʼígame ʼlige gatériame nisa. Aminá guʼíriwa ju apirigá biʼí alué Salón del Reino. Ramué biʼígame nísaká, jaré ʼwe aʼlá raʼichámala alué Jeobá (2 Corintios 6:3, 4).
2. ¿Tachiri tábiri aʼrémala napu neteme ju nabí apirigá biʼígame niwa?
Alué Biblia nejí ye rejcholi: «Aʼrewa suwábaga chátiri napu chólame newámala ramué saʼpchila ʼlige ramué ʼnátame ju» (2 Corintios 7:1, TNM). Alekeri, ʼwe iwériga nóchame ju napurigá aʼrewa apiépiri tábiri api resí olawa ramué saʼpchila o ramué naʼtálila. Najkiaru api Jeobá ganíliga asimela napu ramué ʼnátame ju, alekeri ʼwe iwériga nóchame ju apirigá aʼrewa alué ʼnátili ʼwe chátiri (Salmo 104:34). Aminami, tabilé chibirigá raʼichawa (leériwa Colosenses 3:8).
¿Tachiri uché jaré tábiri chólame newámala ramué? Tábiri cha olame ju ramué saʼpchila. Alekeri tabilé périame ju ramué aminami tabilé uneme ju seʼwinátiri droga napu loʼí gainárime nibilé weʼká yowí napu tabilé anisá alué saʼwame. Napu ramué tabilé unegá ye tábiri, alarigá repume ju ramué saʼpchila aminami ramué ʼwe niraga etega alué kónali ajalila. Apirigá niwa biʼígame napu ramué neteme, waʼlú nochárime ju apirigá tabilé nochá jarena chojkena ramué saʼpchila apirigá ganíliga níliga, ʼlige tabilé etea alué yeri jágame (Salmo 119:37; Efesios 5:5). Rekó ʼwe nóchali ju apirigá aʼrewa ye tábiri, Jeobá guʼírnali ramué (leériwa Isaías 41:13).
ABÉ BENIBOA
Eʼnewa churigá napu biʼígame nisa arigá ramué niraga eteme ju Jeobá, ʼlige churigá aʼrewa alué tábiri ʼwe chátiri napu neteme ju nabí.
3. Napu biʼígame nisa arigá ramué niraga eteme ju Jeobá
Napu leériame napu Jeobá nulele alué israelita, alarigá náume ju napu Jeobá ʼwe niraga eté alué biʼígame. Leériwa Éxodo 19:10 ʼlige 30:17-19, ʼlige raʼichawa ye:
¿Tachiri beniri ramué ye bersíkulo churigá eteme ju Jeobá napu ju biʼígame?
¿Tachiri tábiri napu nabí neteme ju nejkuri apirigá nabí biʼígame niwa?
Wanawa pe ʼwera ʼlige wériga nochawa apirigá ʼwe biʼígame mochiwa. Biʼígame niwa tabilé eʼnéniga koche ejperégame ju ʼlige rekó tabilé enomígame niru. Eʼnewa alué VIDEO ʼlige raʼichawa ye:
Napu mué predicáriga eʼyénachi, ʼlige ralámuli eteme ju napu mué oʼkame ju tábiri biʼígame, ¿alué guʼírimala ju apirigá niraga etémala Jeobá? ¿Chonigá?
4. Aʼrewa alué tábiri ʼwe chátiri napu neteme ju nabí
Jeobá ramué guʼírame ju apirigá aʼrewa apiépiri tábiri chátiri.
Mué péwame nísaká, unésaká weʼká yowí napu saʼwame tabilé aníliga o seʼwinátiri droga napu loʼí gainárime, ʼwe nóchali ju aʼregá ye tábiri. Guʼírimala mué naʼtawa tachiri ikírale mué unegá ye tábiri. Leériwa Mateo 22:37-39, TNM ʼlige raʼichawa churigá pewaria o unegá seʼwinátiri droga cha ikirume...
... apirigá bilé ralámuli ʼma tabilé Jeobá amígola niwa.
... alué boʼné rejimala ʼlige aminami ujché jaré.
Naʼtawa tachiri chu ʼsímala ju apirigá aʼrémala mué alué.a Eʼnewa alué VIDEO.
Leériwa Filipenses 4:13 ʼlige raʼichawa ye:
¿Mué mayé api bilé ralámuli netéasaká oracioni nabí rawé, bení alué Biblia ʼlige simiá alé napuíkachi aʼlá narémala aʼwalí apirigá aʼrémala chátiri netea? ¿Chonigá mué arigá ʼnátame ju?
5. Nochawa apirigá tabilé cha netewa ʼlige maʼchí pápua alué chátiri ʼnátali
Leériwa Colosenses 3:5 ʼlige raʼichawa ye:
Etea alué yeri jágame, náowa bilé oselí ʼlige bilé retrato tabilé oʼpacha ujchiga ʼlige nochá jarena chojkena ramué saʼpchila apirigá ganíliga níliga, ¿churigá machiaru api Jeobá ʼwe chólame eteme ju ye?
¿Mué mayé aʼlá ju apirigá Jeobá tániwa ramué apirigá biʼígame niwa napu ramué neteme ju? ¿Chonigá?
Beníriwa churigá maʼchí pápua alué chátiri ʼnátili. Eʼnewa alué VIDEO.
Esusi unele bilé ejemplo apirigá benírimala ramué najkisáká biʼígame niwa aʼrewa netea alué ʼwe chátiri ʼwe yati. Leériwa Mateo 5:29, 30 ʼlige raʼichawa ye:
Esusi tabilé anínali apirigá najsibuwa ramué aʼboi, eligá netewa bilé tábiri. ¿Tachiri cho nokiboa apirigá tabilé ʼwe enátiri ʼnátiga mochiwa?b
Mué ʼma nocha ajtí apirigá maʼchí paka alué chátiri ʼnátili, bijchiwa, Jeobá ʼwe ʼla niraga eté napu mué nocha ajtí. Leériwa Salmo 103:13, 14 ʼlige raʼichawa ye:
Mué ʼwe nóchaga ajtísaká apirigá aʼréniga bilé tábiri ʼwe chátiri, ¿mayé mué ye bersíkulo nejí aʼwalí apirigá bajchá einawa? ¿Chonigá?
¡Tabilé guwana rujsuwa! Ku boʼíbiga tabilé aniame ju mué tabilé ku asísimala
ʼWe yati naʼtárime nímala «Ku boʼíbile ne; ʼma tabilé ku asísamala ne». Naʼtawa ye: Bilé ʼmame ʼlige boʼirsa tabilé ju ʼma weʼkáwale, tabilé aniame ju ku chojkiámala alué reʼí. Alieri ju ye, mué ku netéasa tábiri ʼwe chátiri tabilé aniárime ju mué tajsiné umebámala aʼrewa alué chátiri. Jeobá tabilé weʼkame ju napu mué ʼwe aʼlá netele. Suwábaga, iʼsínimi tabilé ʼla sébali olame ju. Nobi ¡tabilé guwana rujsuwa! Jeobá nejkúrimala apirigá mué aʼrémala netea alué tábiri chátiri.
JARÉ RALÁMULI ANÍ: «Ne nabí neteme ju ye, tabilé umeba aʼregá ye».
¿Tachiri texto alué Bíbliaka unémala mué apirigá benírimala alué ralámuli napu ju alué guʼírame Jeobá, apiépiri tábiri chátiri aʼrémala ju?
ABÉ NAJTÉKAME
ʼWe raʼsálagá asimela Jeobá ramué nisa ʼwe biʼígame ramué saʼpchila, ramué ʼnátame ʼlige napu ramué neteme ju.
Api mué ʼma benile
¿Chonigá ʼwe najtékame ju apirigá ʼwe biʼígame niwa?
¿Tachiri netewa apirigá biʼígame niwa napu ramué nígame ju tábiri?
¿Tachiri netewa apirigá nabí biʼígame niwa napu ramué neteme ju ʼlige napu ramué ʼnátame ju?
UCHÉ RAJPÉ ʼYÁAWA
Rekó tabilé enomígame nisa, ¿tachiri tábiri netewa apirigá biʼígame mochiwa?
Leériwa jaré rejcholi apirigá aʼrewa alué péwali.
Machiboa chu ikíliame ju napu nochasa jarena chojkena mué saʼpchila apirigá ganíliga níliga.
Eʼnewa napu chu ʼsile bilé rió apirigá aʼrémala etea alué yeri jágame.
«Weʼsá netele ne ʼlige ʼma tabilé uché siné netele ne» (La Atalaya, núm. 4 2016)
a Alé seccioni «Uché rajpé ʼyáawa» uchúkame ye leccioni, koche anime ju «Churigá aʼrewa alué péwali», ʼyárime ju jaré rejcholi apirigá aʼrewa alué chátiri napu ramué neteme ju.
b Apirigá machiboa churigá aʼrewa netea alué enátiri napurigá nochá jarena chojkena alué saʼpchila apirigá ganíliga níliga, eʼnewa alué kapítulo 25 alué líburu Lo que los jóvenes preguntan. Respuestas prácticas (volumen 1), anilime «¿Ne umebámala aʼregá netea alué enátiri napurigá nochá jarena chojkena ne saʼpchila apirigá ganíliga níliga?».