¿Tachiri aní alué Biblia alué nejtome?

Weʼká ralámuli tabilé galegá eteme ju raʼíchame ju alué nejtome. Nobi, napuʼlige alué Onorúgame nila Raʼíchali raʼichasa alué nejtome, ʼwe maʼchígime aní ʼlige ʼwe niraga aní. Napu aní alué Biblia ye raʼíchame, nejkúrime ju ramué. ʼLige alarigá ju, napugiti alué Biblia nolíname ju Jeobá, alué napu ramué netele ʼlige ʼla machí tachiri abé ʼla ju apirigá ramué. Boʼné beniri tachiri netémala ramué apirigá ʼwe raʼsálagá asimela boʼné ʼlige tachiri nejkúrimala apirigá ramué nabí ʼwe raʼsálagá ejperéliwa.

1. ¿Churigá eté Jeobá alué nejtome?

Alué nejtome ju bilé kóliame napu Jeobá nejí. Boʼné najkí bilé rió ʼlige bilé mukí newíkame ʼwe raʼsálagá mochímala, netémala ju nejtome. Ye kóliame ju apirigá ʼkúchiga mochímala alué newíkame, ʼlige aminami arigá etériame nímala aʼbopi chiena ʼwe galegá ʼlige ganíliga mochí. Alekeri Onorúgame Raʼíchala aní: «Raʼsáláwa mué upila ʼyuga napu rewínale aʼlige mué reʼmalí nile» (Proverbios 5:18, 19). Jeobá najkí alué kristiano newíkame niraga etémala boʼné gunala o boʼné upila. ʼLiko bilé kristiano tabilé gojchimela chechi bilé mukí ʼlige rió (leériwa Hebreos 13:4).

2. ¿Tachiri nejtome tabilé ʼla eteme ju Jeobá?

Alué Biblia beniri api alue «ralámuli alué tabilé aʼboi ʼyula umugí ʼyuga oʼkome [...] tabilé siné simámala alé napu ajtí nulá Onorúgame» (1 Corintios 6:9, 10). Alué ralámuli napu osale alué Biblia unele alué raʼíchali griega napu ju pornéia, aniárime ju alué nejtome napu tabilé ʼla eteme ju Jeobá. Ye raʼíchali aniárime ju 1) alué nejtome napu neteme ju alué ralámuli tabilé newíkame aʼbopi,a 2) alué rióchoká okome ʼlige umugíchoká okome, ʼlige 3) alué nejtome neteme ju ralámuli ajágame ʼyuga. Napu ramué tabilé netéasa alué nejtome napu tabilé ʼla eteme ju Jeobá, ʼliko ʼwe raʼsálagá ajtí Jeobá ʼlige ramué ʼwe aʼlá tábiri narémala ju (1 Tesalonicenses 4:3).

ABÉ BENIBOA

3. Tabilé netewa nejtome tabilé ʼla eteme ju Jeobá

Bilé rió rewégame José ʼwe aʼlá eʼwame nile Onorúgame, wériga nóchale apirigá biʼígame nímala napu neteme nile. Leériwa Génesis 39:1-12 ʼlige raʼichawa ye:

• ¿Chonigá ʼmaga maʼchínale José? (Eʼnewa alué bersíkulo 9).

• ¿Mué mayé José ʼwe aʼlá netele? ¿Chonigá?

VIDEO: Tabilé netewa nejtome tabilé ʼla eteme ju Jeobá (5:06)

Jeobá najkí apirigá suwábaga aʼrewa alué nejtome tabilé ʼla eteme ju. Leériwa 1 Corintios 6:18 ʼlige raʼichawa ye:

• ¿Tachiri tábiri oʼtomela ju jaré ralámuli netémala nímala alué nejtome tabilé ʼla eteme ju Jeobá?

• ¿Chu ʼsímala ju mué apirigá tabilé netémala alué nejtome tabilé ʼla eteme ju Jeobá?

4. Mué ʼla gainámala tabilé neté ye tábiri chátiri

VIDEO: ʼWe nochawa leeria alué Biblia apirigá tabilé netewa alué chátiri (3:02)

• Napu alué ermano namsa napu boʼné ʼnátiga ʼlige netega asale enátiri nile napugiti iʼlibeko netémala nile napu tabilé galeme ju Jeobá, ¿chu ʼsile?

Abiena alué kristiano ʼla eʼwame ju wériga nóchame ju apirigá naʼtámala biʼígame. ¿Chu ʼsímala ju mué apirigá tabilé naʼtámala alué tábiri napu tabilé galeme ju Jeobá? Leériwa Filipenses 4:8, TNM ʼlige raʼichawa ye:

• ¿Tachiri tábiri naʼtárimala nímala ramué?

• ¿Mué mayé leeria alué Biblia ʼlige ʼwe nóchiga mochiwa Jeobá si, aʼlá nejkuri apirigá tabilé netewa alué chátiri? ¿Chonigá?

5. Napu Jeobá ramué tánime ʼwe ʼla nejkuri ramué

VIDEO: Alué ralámuli tabilé ʼla ʼnátame ju cha ikime ju (9:31)

• ¿Chu ʼsile ye reʼmalí apirigá ikimela boʼné ye tábiri ʼwe chátiri? (Eʼnewa Proverbios 7:8, 9).

• Napu aní Proverbios 7:23, 26, napu neteme ju alué nejtome tabilé ʼla eteme ju Jeobá, aʼpáriame ju resí níliame. ¿Tachiri tábiri ʼwe chátiri tabilé narémala ramué biʼígame nísaká napu neteme ju?

• ¿Churigá nejkuri ramué biʼígame nisa napu neteme ju apirigá nabí ʼwe raʼsálagá ejperéliwa?

Jaré ʼnátame ju napu aní alué Biblia alué rióchoká okome tabilé iʼté galériame. Nobi, Jeobá ju Onorúgame napu galeme ju ʼlige najkí suwábaga ralámuli nabí ʼwe raʼsálagá ejperéliwa. ʼLige, apirigá narépua ye kóliame napu ju nabí ejperéliwa, bejtériwa niwa apirigá churigá najkí Jeobá. Leériwa 1 Corintios 6:9-11 ʼlige raʼichawa ye:

• ¿Onorúgame ʼwe chátiri eteme ju pe rió o umugí napu ʼnátame ju neté nejtome aʼbópika?

Apirigá Onorúgame ʼla ganíliga asimela, suwábaga aʼrémala alué tábiri ʼwe chátiri. ¿Aʼlá ju apirigá aʼrewa ye? Leériwa Salmo 19:8, 11 ʼlige raʼichawa ye:

• ¿Mué mayé napu Jeobá tánime ʼwe aʼlá ju? ¿Chonigá alarigá ʼnata mué?

ABÉ NAJTÉKAME

Alué nejtome ju bilé kóliame napu Jeobá nejí ʼlige boʼné najkí apirigá netémala bilé rió ʼlige bilé mukí napu newíkame ju.

Api mué ʼma benile

• ¿Tachiri tábiri ju nejtome tabilé ʼla eteme ju Jeobá?

• ¿Tachiri nejkúrimala apirigá tabilé netewa alué nejtome tabilé ʼla eteme ju Jeobá?

• ¿Tachiri tábiri narémala ʼla eʼwásaká napu tánime ju Jeobá?

UCHÉ RAJPÉ ʼYÁAWA

Eʼnewa chonigá najkí Onorúgame bilé rió ʼlige bilé mukí apirigá newímala napu napuíka mochínale.

«¿Tachiri aní alué Biblia napu napuíka mochígame ju tabilé newika?» (Artículo de jw.org)

Eʼnewa chonigá napu aní alué Biblia alué rióchoká okome ju tabilé anime ju apirigá gichiga etewa o tabilé niraga etewa alué ralámuli napu ye neteme.

«¿ʼWe chátiri ju alué rióchoká okome ju?» (Artículo de jw.org)

Leériwa churigá repú ramué napu aní alué Biblia napu ju alué nejtome.

«¿ʼLa bijchiá ju nejtome alué nejtome napu netériame ju chuʼala si?» (Artículo de jw.org)

¿Tachiri guʼírale bilé rió napu rióchoká okome nile apirigá aʼrémala ye tábiri ʼlige alarigá raʼsálagá asimela Onorúgame? Leériwa alé alué tétaliame ju anilime «Neʼchí ʼwe niráriga etériame nile».

«Alué Biblia guʼírile apirigá seʼwinátiri nile» (La Atalaya, 1 de abril de 2011)