Yaandikilue na Mateo
1 Kitabu kya lyasi lyakue* Yesu Kristu,* mwana mwina Daudi, mwana mwina Abrahamu:
2 Abrahamu waamuvyele* Isaka;
Isaka waamuvyele Yakobo;
Yakobo waamuvyele Yuda pamo ni ba kaka wakue* ni balabakue;
3 Yuda waamuvyele Perezi ni Zera, mama wabo abanga wali Tamari;
Perezi waamuvyele Hezroni;
Hezroni waamuvyele Ramu;
4 Ramu waamuvyele Aminadabu;
Aminadabu waamuvyele Nashoni;
Nashoni waamuvyele Salmoni;
5 Salmoni waamuvyele Boazi, mama wakue kwa Boazi abanga wali Rahabu;
Boazi waamuvyele Obedi, mama wakue abanga wali Rutu;
Obedi waamuvyele Yese;
6 Yese waamuvyele likolo Daudi;
Daudi waamuvyele Sulemani, mama wakue abanga wali muka Uria;
7 Sulemani waamuvyele Rehoboamu;
Rehoboamu waamuvyele Abiya;
Abiya waamuvyele Asa;
8 Asa waamuvyele Yehoshafati;
Yehoshafati waamuvyele Yehoramu;
Yehoramu waamuvyele Uzia;
9 Uzia waamuvyele Yotamu;
Yotamu waamuvyele Ahazi;
Ahazi waamuvyele Hezekia;
10 Hezekia waamuvyele Manase;
Manase waamuvyele Amoni;
Amoni waamuvyele Yosia;
11 Yosia waamuvyele Yekonia pamo ni balabakue mu kipindi kya kutwalua ku buzia ku Babiloni;
12 Kisia kutwalua ku buzia ku Babiloni, Yekonia waamuvyele Shealtieli;
Shealtieli waamuvyele Zerubabeli;
13 Zerubabeli waamuvyele Abiudi;
Abiudi waamuvyele Eliakimu;
Eliakimu waamuvyele Azori;
14 Azori waamuvyele Sadoki;
Sadoki waamuvyele Akimu;
Akimu waamuvyele Eliudi;
15 Eliudi waamuvyele Eleazari;
Eleazari waamuvyele Matani;
Matani waamuvyele Yakobo;
16 Yakobo waamuvyele Yosefu muka Maria, olia waamuvyele Yesu, ali wakuutua Kristu.
17 Kansi, bizazi byonse* kutendekela pali Abrahamu mpaka kufika pali Daudi, bibanga byali bizazi likumi na bina (14); kutendekela pali Daudi mpaka kufika mu kipindi kya kutwalua ku buzia ku Babiloni, bizazi likumi na bina (14); kutendekela mu kipindi kya kutwalua ku buzia ku Babiloni mpaka kufika pali Kristu, bizazi likumi na bina (14).
18 Evi i vyaafikiile kuvyalua Yesu Kristu. Musita mama wakue Maria lwabanga wachumbiiwe kuli Yosefu, waalukile ni mimba kupitila mupasi utakatifu* ntanzi tebanaaluke ba mulume ni mukazi. 19 Inzi, pantu Yosefu, muchumba wakue, abanga wali muntu olokele, kabili taatonene kumumonia Maria busoni pa menso a bantu, waapingwile kumukaana mu kinfikini.* 20 Inzi, kisia kufikiria bebio bintu, mona! malaika wakue Yehova* waamulapukiile mu kilooto, ni kumulanda evi: “Yosefu, mwana mwina Daudi, te kunvua mwenzo wa kumutwama mukazi obe Maria ni kuya nakue ku nsesi, pantu elia mimba yali nayo waakimita kupitila mupasi utakatifu. 21 Maria wakavyala mwana mwalalume. Ni ozo mwana ukamwinike Yesu,* pantu wene wakabapususia bantu bakue mu mazambi abo.” 22 Kakiine, bebio byonse byaakitikile evi kufikilizia belia byaalandile Yehova kupitila nabi wakue, waalandile evi: 23 “Mona! Bikira wakemita ni kuvyala mwana mwalalume, kabili ozo mwana bakaba bamukuuta Emanueli.” Lelio liina kine lyapilibulua, lili na mana ya “Leeza Ali Pamo ni Fwefue.”
24 Kisia, Yosefu waabuukile ni kukita nga evelia vibaamulandile kuli malaika wakue Yehova; waamutweme mukazi wakue ni kuya nakue ku nsesi. 25 Inzi, taaleele nakue mpaka musita lwaavyele mwana mwalalume, ni Yosefu waamwinikile Yesu.