Bya Kusambilila

Eba, weewe uli watona kusoma mpunda palua buikazi bwa balupua ni bankazi betu?

Ba mulume ni mukazi bamo bali basoma mpunda palua buikazi bwa bantu kila busiku lukele-keele, balanda eevi: “Kakiine tuli twasonseziiwa ni kusaansamusiiwa saana musita utuli twasoma azo maasi! Ali atulangulusia nangue, ni fwefue kunti twaviinda kuya twali ba kisinka mu aali yonse.” Nkazi umo ali waiunvua evio vyenka, waaleembele eevi: “Eezi mpunda palua buikazi bwa bantu ili yateekia mutima, ili yasonsezia, ili yakinkizia, kabili ili yasaansamusia mutima. Buikazi bwa balupua ni bankazi betu bulimo mipaango ingi kabili buli ni mana. Maasi abo ali ansonsezia kukila kwaluka ni mute mu miilo ya kusimikila, kabili ali ankwasia kubasonsezia baana bane bafikiile kubomba miilo ya nsita yonse yakue Yehova.”

Mpunda palua buikazi bwa bantu kunti yakusonsezia wikwinde kukita bingi mu miilo yakue Yehova, kusipikizia butope, ni kusipikizia meezio akolele kwa nsaansa kabili mu nzila ipalile. Weewe, kunti wapata siani ezio mpunda?

• Keba maasi ali ni mutue ulandile “Mpunda Palua Buikazi bwa Bantu” mu BIBILIOTEKE YA MU ENTERNETE^™ ya Watchtower, mu Watchtower Library, ao mu jw.org.