KIPAANDE 8

Lufu lua kua Yesu Kuunti lua Kukuasia Siani?

Yesu wafuile eevi tupate bukose bua loonse. Yoane 3:16

Banakazi bakentesia mu mankabui akue Yesu, inzi temuli kantu

Nsiku itatu Yesu wasiafuile, banakazi bamo basangile mu kabuli te kuba muali kaantu. Yehova wamubusizie Yesu, kufuma ku nfua.

Yesu wamoneka ku batumua bakue kisia walamata ku muulu

Pa kiamba, Yesu wamuenekele ku batumua bakue.

Een, Yehova wamubusiizie Yesu, wali ni buviinde bukata, kibuumbua kia kimupasi, kisikafuapo. Batumua ba kua Yesu bamumuene waapiluka mu muulu.

Leeza wamubuusizie Yesu ni kumualula Likolo wa Bukolo buakue. Danieli 7:13, 14

Kufuma ku kitebe kya bukolo, Yesu watungulula bantu bali mu paradiso pa kyalo

Yesu paafuile, walipile kilubula-mulandu, pa nsaambu ya baantu. (Mateo 20:28) Kupitila ku kilubula-mulandu, Leeza wakita kivindikane fuefue tuikale loonse.

Yehova wasakuile Yesu kuba pa bukolo bua Kialo kionse. Yesu ni baantu ba kisiinka batuntumuinue 144 000, bakeekala pamo nakue mu muulu. Yesu ni baabo baantu 144 000 bapaangile buteeko bulungheeme bua mu muulu—bukolo bua kua Leeza.—Nfyulo 14:1-3.

Bukolo bua kua Leeza i buakakita kialo kionse kuba paradiso. Kuluana, kuipaana, bupabi, ni nzala, tebikabaamo kabili. Baantu bakaba ni nsaansa ikata—Malumbo 145:16.