Tupalile Kukita Siani pa Kuunti Leeza Atone?

Iseeluke ku bibipile. 1 Bakorinto 6:9, 10

Kine tumutonene Yehova, tetukita biintu biasitonene.

Yehova tatonene fuefue tube ni luibo, tube tuakolua, nanzi kupeepa fuanka.

Leeza tatonene kuipaana, kupisia livumo na bufue, ni kukita bukaambue bua balalume ni balalume, banakazi ni banakazi. Tatonene fuefue tube ni luinso (tamaa), ao kuluana.

Tetufuene kuba tuapepa mikisi, ao kuba tualinga ni kulingua.

Mu kialo kia paradiso, baalia bakita biintu bibipile te bakabamo.

Kita biweeme. Mateo 7:12

Pa kuunti Leeza atutone, tupalile kuezia kuba tuali nga weene.

Tona baange mukuba wafuukile ni kupaana.

Ube wali wakisiinka.

Ube watasia ni kueleela.

Simikila baange palua kua Yehova ni nzila yakue.​—Isaya 43:10.