LISOMO 20
Kabungue Kali Katungulula Ni Kiki?
Kabungue kali katungulula ka mu nsita ya batumua
Kubeleengua kwa lupaapulo lufumine ku kabungue kali katungulula
Ku Bakristu ba ku ntendeko, “batumua ni masiiko (ao bakote) ku Yerusalemu” baali baundile kabungue kali katungulula (ao kikundi kiniini), i baali bakuata bupinguzi bwa mana palua Bakristu boonse babikilue mafuta ba mu nsita ezio. (Miilo 15:2) Baali baitabiziana nke pamo, kusiali bakuata bupinguzi. Ni pakukita evio, baali batoosia maleembo ni kulekela mupasi wakue Leeza ubatungulule. (Miilo 15:25) Ni Kabungue Kali Katungulula ka leenu kali kakita evio vyenka.
Ni kikundi kya Bakristu kili kyabombiiwa na Leeza eevi kufikilizia kutona kwakue. Bakristu babikilue mafuta bali mu Kabungue Kali Katungulula, bali baatona saana kutoosia Mulandu Wakue Leeza. Bali ni bufundi saana bwa kupingula vya kutungulula miilo ni masambilizio eetu. Kila mulungu, balupua bali baabombela mu Kabungue kaako, bali basaakaana eevi kutoosia bintu bikabiilue na Bakasininkizia mu kyalo kyoonse. Nga mu musita wa batumua, bali bafumia malaizio aswapiile Bibilia atupalile kukoonka. Bali bakita evio kupitila mukaanda ni bakangalila ba muputule. Kukita evio, i kuli kwaleeta buumo bwa kisinka mukutontonkania ni mukukita tuntu pa kati ka bantu bakue Leeza. (Miilo 16:4, 5) Kabungue Kali Katungulula kali kakinkizia miilo ya kusimikila ni kuimanina kuteania byakulia bya kimupasi ni kubiikua kwa balupua bali babombela mu miilo paleepale.
Ni kikundi kya Bakristu kili kyaitabila kutungululua na mupasi wakue Leeza. Kabungue Kali Katungulula kali kakeba butunguluzi kufuma kuli Yehova Leeza, Kateeka wa kyalo kyoonse, ni kuli Yesu, Mutue wa libumba lya Kikristu. (1 Bakorinto 11:3; Baefeso 5:23) Balupua bali mu Kabungue Kali Katungulula te beezi kwimona kuya baali ba pa muulu kukila bantu baange bakue Leeza. Beene pamo ni Bakristu baange babikilue mafuta, ‘ba mukoonkele muana mukooko [Yesu] koonse kuali waya.’ (Nfyulo 14:4) Balupua bali mu Kabungue Kali Katungulula bali mukutasia saana paantu tuli mukubapepelako kuli Leeza.
Mu nsita ya batumua, ni baani babaanga baabombela mu kabungue kali katungulula?
Kabungue Kali Katungulula ka leenu, kali kaakeba siani butunguluzi bwakue Leeza?