KUTENDEKEZIA BULONDOLOZI
Miil Bat. 26:2, 3
LISOMO LYA 4
Kwikeefia
Lifunde: “Kupitila kwikeefia, bamone bange kuya bamipitile.”—Baf. 2:3, NWT.
Paulo Waakitile ki?
1. Mona VIIDEO, ao soma Miilo ya Batumua 26:2, 3. Kisia, asuka biipuzio bili paapa pensina:
Paulo waalangiliile siani mibeele ya kwikeefia musita lwaalandile ni Likolo Agripa?
Paulo waakitile siani eevi abakwasie bantu bapooze maano kuli Yehova ni ku Maleembo, inzi, apana bapooze maano kuli weene muine?—Mona Miilo ya Batumua 26:22.
Mufuano Wakue Paulo Watusambilizia ki?
2. Mpunda yeetu, ili yabasaansamusia saana bantu kine twalanda twaikeefiizie kabili twali ni mukinzi.
Koonka Mufuano Wakue Paulo
3. Landa wali ni mukinzi. Tiina kulanda mu nzila ili kulengia imoneke nangue umanine kila kintu kabili nangue muntu uuli mukulanziana nakue tamanine ata kantu. Lanziana nakue mu nzila ya mukinzi.
4. Kita imoneke paswetele nangue kisinka kiuli mukusambilizia kifumine mu Bibilia. Mulandu Wakue Leeza, kunti wabakwasia bantu baalulula nzila yabo ya kutontonkania ni vibali baiunvua. Kine twaubombia, tuli kukuula kiketekelo kyabo pa musinzi upalile.
5. Twalilila kuya wafuukile. Te kukonkobezia nangue uli ni nsaambu. Tetuizi kutona kubisiana. Langilila kwikeefia kupitila kuya wataleele ni kumana musita wa kunti ufumepo. (Tus Maf. 17:14; Tit. 3:2) Kine weewe walanda wafuukile, paange musita unge, ozo muntu wakaba kutona kutuilizia mpunda yeetu.