Te Kutiina Kusimikila

Yesu Waakitile ki?

VIIDEO: Yesu Wamusimikila Zakayo

1. Mona VIIDEO, ao soma Luka 19:1-7. Kisia, asuka biipuzio bili paapa pensina:

1. Paange, juu ya ki bantu baali bamutiina Zakayo?

2. Ni kiki kyaamusonseziizie Yesu amubuileko Zakayo mpunda iweeme?

Mufuano Wakue Yesu Watusambilizia ki?

2. Te tupalile kutiina kumusimikila kila muntu mpunda ya Bukolo.

Koonka Mufuano Wakue Yesu

3. Muswapile Yehova. Mupasi wakue Leeza, waamupeele Yesu maka a kumukwasia aviinde kusimikila. Ozo mupasi, kunti wakupeela ni weewe maka. (Mat. 10:19, 20; Luk. 4:18) Muloombe Yehova akupeele mibeele ya kusitiina eevi ubasimikile baalia bauli mukunvua mwenzo.—Miil Bat. 4:29.

4. Apana kubapingula bantu. Kunti twatiina kubalanzia bantu bange paange juu ya monekelo yabo, kifulo kibali nakio, ao paange ni banoonsi, buikazi bwabo, ao juu ya bintu bibazumiine mu diini yabo. Inzi, languluka nangue:

1. Yehova pamo ni Yesu, kunti basoma mitima yabo; fwefue tetuviinda.

2. Te tupalile kumona nangue muntu taviinda kukwasiiwa na Yehova.

5. Te kuya watiina, inzi uye wali ni mukinzi kabili wakengeele. (Mat. 10:16) Tiina kukankabula na bantu. Putukizia bulondolozi wali ni mukinzi kine muntu tatonene kutuilizia mpunda iweeme, ao kine weewe wamona nangue bukose bobe buli mukukeba kwaluka mu buavia.—Tus Maf. 17:14.