Uye Wakinkimeene

Yesu Waakitile ki?

VIIDEO: Yesu Wamusoka Kateeka umo Mulumendo Munoonsi

1. Mona VIIDEO, ao soma Marko 10:17-22. Kisia, asuka biipuzio bili paapa pensina:

1. Yesu waamwene mibeele ki iweeme muli olia kateeka mulumendo?

2. Juu ya ki yaaloombele Yesu aye wali ni ntono ni kukinkimana eevi amusoke ozo muntu?

Mufuano Wakue Yesu Watusambilizia ki?

2. Tupalile kulangilila ntono, inzi kabili, tupalile kumubuila buino musambi keelia kyapalile kukita eevi akile kutwalilila kumupalama Yehova.

Koonka Mufuano Wakue Yesu

3. Mukwasie musambi obe ebiikile mipaango kabili aifikilizie.

1. Bombia seemu “Ezianke kukita eevi” ili mu kila lisomo lya kitabu Sekelela Buikazi Loonse!

2. Mukwasie musambi obe amane bintu byapalile kukita eevi afikilizie mipaango yakue ya musita uniini ni ya musita uleepele.

3. Lyonse, uye wamutasia musambi obe juu ya buyantanzi bwali mukukita.

4. Inika maavia ali mukulengia musambi obe te kunti akite buyantanzi kabili mukwasie aviinde kuluisia azo maavia.

1. Iipuzie eevi:

   • ‘Kine musambi wane taali mukukita buyantanzi eevi afikile kubatiziiwa, ni kiki kili mukulengia?’

   • ‘Kunti nakita ki eevi mukwasie?’

2. Pepa kuli Yehova akupeele kukinkimana eevi ulanziane ni musambi obe bila kumufiika kantu, kabili mu nzila ya ntono amane bintu byapalile kukita.

5. Lekela kusambilila ni basambi basili mukukita buyantanzi.

1. Toosia kine musambi obe wa Bibilia ali mukukita buyantanzi kupitila kwiipuzia eevi:

   • ‘Eba, musambi wane ali mukubombia beelia byali mukusambilila?’

   • ‘Eba, ali waizako ku kulonghaana ni kubabuilako bange kisinka?’

   • ‘Kisia kusambilila nakue musita waleepele, eba atonene kwaluka Kasininkizia Wakue Yehova?’

2. Kine musambi wa Bibilia tali mukutona kukita buyantanzi:

   • Mwipuzie kine ni kiki kili mukumulengia te kunti akite buyantanzi.

   • Mubuile mu buwaame juu ya ki weewe walekela kusambilila nakue.

   • Mubuile bintu bya kunti akabe kukita kine akabe kutona kabili kusambilila.