APANDISI YA 3

Vya Kutungulula Masambililo a Bibilia mu Sekelela Buikazi Loonse!

Balupua baapepele saana ni kukebulula bapoozeleko saana maano mpunda ya kubiika mu kitabu Sekelela Buikazi Loonse! Pa kunti loolu lupapulo lukukwasie saana, bombia bufundi buli paapa pensina musita luuli mukutungulula masambililo a Bibilia.

Ntaanzi teunatendeke kusambilizia

1. Teania buino saana. Musita luuli mukwiteania, tontonkania bintu bikebele kumana musambi obe, aali yakue ni bintu byazumiine. Tontonkanizia mbela kila kintu kimwenekele nangue paange musambi obe taya kunvua ao kumona vya kubombia mu buikazi bwakue. Soma mpunda ili mu seemu “Manako ni Binge” ni kumona elia ili kuya kumukwasia musambi obe, kabili uye waleengele kuibombia kine kyapala musita umuli mukusambilila.

Musita umuli mukusambilila

2. Kine musambi waitabila, tendeka lisambililo na lipepo ni kupeleezia na lipepo.
3. Wakengeele te kunti uye walanda saana bingi. Pooza maano ku mpunda imuli mukusambilila, kabili mulekelele musambi obe aye walandapo.
4. Kine mwatendeka seemu ya leenu ya lisomo, soma milandu ilangiliile kikata kya ezio seemu ni mitue fulani ya masomo.
5. Kine mwapua seemu imo, bombia seemu ilandile kupitulukamo, eevi umukwasie musambi obe alanguluke bisinka byakisambilila.
6. Luuli mukusambilila kila lisomo pamo ni musambi obe:
1. Some lifungu.
2. Some maleembo onse alandilue nangue “Some.”
3. Kine kyapala, some maleembo ange azimbuilue.
4. Mone ma viideo onse alandilue nangue “Mone” (kine ukwete).
5. Mwipuzie musambi kila kiipuzio kili mu kitabu.
6. Mulande musambi akente pa foto ili mu seemu “Tukebe Saana” ni kumulanda alondolole ezio foto.
7. Bombia kisanduku “Ezianke kukita eevi” juu ya kunti umukwasie musambi obe ebiikile mipaango ya kukita buyantanzi bwa kimupasi. Kunti wamukoselezia musambi obe, ebiikile mupaango wa musita uniini, mipaango ya musita uleepele ao yonse ibili.
8. Mwipuzie musambi obe akubuile musita lwakiba wali mu kuteania lisomo, kine wakitona saana maasi ao ma viideo ki ali mu seemu “Manako ni Binge.”
9. Ikwinde kine mwatendeka kusambilila, muye mwapua kila lisomo.

Kisia kusambilila

7. Twalilila kutontonkania palua musambi obe. Pepa kuli Yehova wamuloomba apaale buyantanzi bwakue musambi obe, kabili akupeele mulangue eevi umane vya kumukwasia.