Tendekelapo Mbeela Leenu Kwiteania Palua Matunzo Aloombele Kukita Lubilo-Lubilo

Juu ya ki witeanie? Matunzo aloombele kukita lubilo-lubilo ni kutwalua ku opitali kunti byaiza mukutulumukila. Pakaako, ntaanzi aali ili kuloomba kutunzua lubilo-lubilo teinaize, kita maka witeanie eevi ezio aali paikeeza ukatunzue buino saana. Kine wakita evio, uli kulangilila nangue ukindikile bukose ni muzilo wakue Yehova ulandiile palua milopa.​—Mil Bat 15:28, 29.

Kunti wakita siani eevi kwiteania?

• Pepa ni kwizuzia wapoozeleko saana maano karte yobe Instructions médicales (DPA).a Bakasimika babatiziiziwe kunti bamulanda lupua ali wabombela ku bitabu abapeele karte DPA ni Carte D’identité (ic) juu ya baana babo basinakumanie miaka likumi na munane (18)

• Kine uli ni mimba, balande bakote bakupeele fomu ilandile Information pour les Femmes Enceintes (Mpunda Palua ba Mama Bali Ni Mimba) (S-401). Ezio fomu, ili kukukwasia kukwata bupinguzi bwaweeme palua kutunzua, musita luuli ni mimba ao musita wa kuvyala

• Kine ukabiile kutunzua matunzo ali kuloomba kubombia milopa ao ali kuloomba uteekue ku opitali, babuile bakote bobe ba mu kilonghaano ntaanzi. Kabili babuile ba munghanga nangue bamo pakati ka Bakasininkizia Bakue Yehova bakaba kuya baiza kukwendela

Bakote kunti bakwasia siani? Kunti bakukwasia kwizuzia karte yobe ya DPA. Inzi, bakote te bakaba kukupinguila palua matunzo ao kuleeta malanga abo palua bupinguzi bupalile kukwata kila muntu. (Bar 14:12; Bag 6:5) Kine wababuila bakote nangue uli mu aali ili kuloomba paange pa kutunzua babombie milopa, bakote bali kukita lubilo eevi kulondolola ni Comité de Liaison Hospitalier (Kabungue Kali Kabomba Pamo ni Opitali) (CLH) juu yobe.

Balupua bali babombela mu CLH kunti bakwasia siani? Babo balupua, babeeleziiziwe eevi kubakwasia ba munghanga pamo ni bantu bali bakoonka nsaambu ya bantu, eevi benike bupinguzi bwa diini yeetu palua milopa. Babo balupua bali kulondolola pamo ni olia wa kukutunza palua bufundi bwa matunzo buli kukwasia tekuti bakubiike milopa. Kine kyapala, kunti bakukwasia upate doktere olia ali kukukita operasio wakindikile bupinguzi bobe palua milopa.

MONE VIIDEO ILANDILE VYA KUKITA EEVI KUKWATA BUPINGUZI BWA KUSUUNGA BUKOSE MUSITA WA MATUNZO ALOOMBELE KUBOMBIA MILOPA. KISIA, ASUKE KIIPUZIO KILI PAAPA PENSINA:

• Mu eezi viideo, weewe wasambililamo ki keelia kili kukukwasia witeanie palua matunzo aloombele kukita lubilo-lubilo aloombele kubombia milopa?

  Kyasuko kyobe