BUIKAZI BWA MUKRISTU
Mana Leeza Vyali Watontonkania
Tutonene kumusaansamusia Yehova mu bintu byonse bituli twakita. (Tus Maf 27:11) Pa kunti tukite evio, tupalile kukwata bupinguzi buli kulangilila Yehova vyali watontokania anzia kine te pali muzilo ulangilile paswetele ao malaizio a kututungulula. Ni kiki kili kutukwasia tukite evio?
Kutwalilila kuya twali ni ntantiko ya kusoma Bibilia kila busiku. Kila musita utuli twasoma Bibilia, ili nga evelia tuli mukupisia musita twali pamo ni Yehova. Kunti twamana Yehova vyali watontokania, kupitila kutoosia Yehova vyaabakitiile bantu bakue musita wa kale; kabili kupitila kutoosia mifuano ya bantu baakitile bintu biweeme ao bibipile pa menso akue. Musita utukebele kukwata bupinguzi, mupasi utakatiifu uli kutulangulusia masomo a mana ni mafunde aalia atwakisambilila mu Mulandu Wakue Leeza.—Yoan 14:26.
Kukebulula. Kine ukebele kukwata bupinguzi, iipuzie eevi: ‘Ni maleembo ki ao mpunda ki ili mu Bibilia ili kunkwasia kwinika Yehova vyali waiunvua palua keeki kinkebele kukita?’ Pepa Yehova akukwasie, kabili bombia mpapulo ili mu lulimi lobe ili kukukwasia kukebulula ni kupata mafunde a mu Bibilia ni kuabombia kukoonkana ni aali iulimo.—Malum 25:4.
MONE VIIDEO ILANDILE TUPALILE “KUKUNDUKA TWASIPIKIZIIZIE”—LIA KYAKULIA KILI KYAKUULA. KISIA, ASUKE BIIPUZIO BILI PAAPA PENSINA:
Mu eezi viideo, ozu mukaziana waatiintilue akite ki?
Kukebulula mu bitabu byetu, kunti kwakukwasia siani kupata mpunda ili kukukwasia kusipikizia kine waaluka mu aali nga ezio?
Kukwata musita wa kukebulula ni kwipeela musita wa kukita lisambililo lya bunke, kunti kwatukwasia siani kukwata bupinguzi buweeme?—Baeb 5:13, 14