Vya Kubombia ma Viideo a Kusambilila Bibilia

Tuli ni ma viideo ana (4) a kusambilila Bibilia a kubombia mu miilo ya kusimikila. Juu ya ki aza ma viideo ateaniiziwe?

• 

  Pa Nsaambu Yaki Usambilile Bibilia?​—Viideo Yonse yaateaniiziwe eevi kubaleetela bantu nkulu ya kutona Bibilia atasie kine bazumiine ki mu makanisa abo. Ili yakinkizia bantu baalia bali kumona eezi viideo, bakebe mu Bibilia byasuko bya biipuzio bili byaemia mu buikazi. Kabili, ili yaleeta byasuko bya kisinka byaleengele bya bebio biipuzio. Ili yalondolola vya kuloomba lisambililo lya Bibilia.

• 

  Pa Nsaambu Yaki Usambilile Bibilia (viideo ifupisiiziwe) ipaleenesie ni elia viideo yonse ileepele. Inzi, eezi yeene, kunti yaingilamo mara itatu mu elia ileepele. Eezi viideo, kunti yabakwasia saana bantu bali mu tuzonga toolia tulimo bantu baalia basili saana na musita wa kulanda na bange.

• 

  Lisaambililo lia Bibilia Liakitua Siani? yaateaniiziwe eevi kubaleetela bantu nkulu ya kusambilila Bibilia bila kulipa. Kabili ili yaasuka biipuzio paleepale bili byaiipuzia bantu, pamo ni vya kuloomba lisambililo.

• 

  Mwaiseni ku Lisambililo Lyobe lya Bibilia yaateaniiziwe eevi kubalangilila basambi ba Bibilia. Anzia kine, eezi viideo ili ku ntendeko ya lubali lwa bubili lwa kitabu Sekelela Buikazi Loonse! kunti mwailangisia atasie musita umuli mukulondolola mu broshua Sekelela Buikazi Loonse! Eezi viideo, ilandile mu kifupi bintu bili mu kitabu, ni beelia bili kuya byapembeele musambi amane lumwakaba kuya mwasambilila Bibilia.

Atasie kine kila viideo iteaniiziwe eevi kuibombia mu aali imanikile buino, kunti twabalangisia bantu ao kubatumina musita onse utwamona nangue kili buino kukita evio. Bakasimika, bakoseleziiwa kuamana buino azo ma viideo ni kuabombia buino mu miilo ya kusimikila.