Koonka Mufuano wa Ntono Ilamatiliile Yakue Yehova

Yehova atubiikiile mufuano wa kukoonka ukililepo kuwaama wa ntono ilamatiliile. (Malum 103:11) Eezi ntono, te elia ya kumutona muntu kwa musita sie uniini ao kumulangilila ntono ya eevi-eevi. Ntono ilamatiliile, ibiikile mukati kumutona saana muntu, ni kutwalilila kuya walamatiliile kuli weene. Eezi mibeele, Yehova waailangiliile juu ya Baisraeli, bantu bakue, mu nzila ingi. Waabafumiizie mu buzia ku Misri ni kubatwala mu Kyalo kya Bulayo. (Malum 105:42-44) Abanga waluisia juu ya bantu bakue, kabili abanga wabeleela lingi musita ubaali bakita mazaambi. (Malum 107:19, 20) Kine ‘twapooza saana maano ku bikitua byakue Yehova bya ntono ilamatiliile,’ tuli kukinkiziiwa kukoonka mufuano wakue.​—Malum 107:43, NWT.

MONE VIIDEO ILANDILE “POOZA SAANA MAANO KU BIKITUA BYAKUE YEHOVA BYA NTONO ILAMATILIILE.” KISIA, ASUKE BIIPUZIO BILI PAAPA PENSINA:

• Kunti twakita ki eevi tulangilile ntono ilamatiliile?

  Kyasuko kyobe

• Juu ya ki iloombele kwitana eevi kulangilila ntono ilamatiliile?

  Kyasuko kyobe