Bombia Lubali lwa ku Muliango lwa Kitente kya JW.ORG mu Miilo Yobe ya Kusimikila

Ku muliango wa kitente kyetu kya Enternete, kuli maasi ni ma viideo aalia ali kubasaansamusia bantu bali ni mitima iweeme baalia basili bakasininkizia bakue Yehova. (Miil Bat 13:48) Lingi, azo maasi ni ma viideo, ali alondolola mpunda ili mukunvuika mwaya kyalo, ao bintu bili mukuya byatontonkania bantu ni kulanda.

Kunti wabombia siani mu miilo yobe ya kusimikila muliango wa kitente kya jw.org?

• Uye wakentamo lingi mu kitente kya Enternete. Mona mpunda yakibiikuamo leenu mu kitente, ni kumona vya kunti uibombie eevi umukwasie muntu olia atonene. (Eevi upate maasi ni ma viideo ange akiba abiikilue leenu mu kitente, tika pa fuasi ilandile “Mona Bingi.”) Kine lyonse umanine mpunda ya leenu ili mu kitente kyetu kya Enternete, uli kuya wali ni malanga a leenu a kunti ubombie mu miilo ya kusimikila.

• Bombia maasi ni ma viideo akibiikua leenu ku muliango wa kitente eevi utendekezie bulondolozi. Aza maasi ni ma viideo, kunti atukwasia kumana bintu bili mukuya byatontonkania bantu ba mu kazonga.

• Balangilile bantu muliango wa kitente kya jw.org. Babuile mpunda imanikile buino ni kubalangilila vya kunti bapate mpunda mu kitente kya jw.org.

• Mupeele musaapu ao lien. Bantu bange tebeezi kutona kulanziana ni fwefue, inzi kuya batonene kwingila mu kitente kyetu kya Enternete. Kansi, kine wapata bantu batonene, te kutiina kubatumina musaapu wa kubatwala ku muliango wa kitente kya Enternete, ku lyasi limanikile buino ao ku viideo ibiikilue ku muliango wa kitente.