Bya Kukukwasia Pa Kusambilila

Eba, uli mukunoonkelamo mu bulondolozi bwa maleembo a Bibilia buli mu kitabu Musaada wa Kutafuta Habari kwa Ajili ya Mashaidi wa Yehova?

Bobo bulondolozi kunti bwakukwasia kwimba saana Mulandu Wakue Leeza. Kunti bwalandila ni palua tuntu tuniini tulangiliile bintu vibibanga byali, musita bintu bilandilue mu lileembo lya Bibilia lubyakitikile, juu ya ki bebio bintu byaleembelue, bili byabomba ku baani, kabili bobo bulondolozi kunti bwaleeta mana ya milandu ao misemua paleepale.

BIBILIOTEKE YA MU ENTERNETE ya Watchtower^™ pamo JW Library^® kunti yakukwasia kwingila mu ma referanse a mu kitabu Musaada wa Kutafuta Habari mu lyenka lileembo lya Bibilia. Kunti wapata azo ma referanse mu seemu ya lisambililo ya mpilibulo paleepale ya ma Bibilia ali moomo.

Musita luuli wabombia azo ma referanse uye wakenta buino nsiku. Beelia byaakifumiiwasie leenu bili byasaangua ku muulu. Kunsina, kuli kwasaangua mpapulo ilimo bulondolozi bwa kale bolia bwaalulwilue.

• Ma referanse a maleembo ali mu kitabu Musaada wa Kutafuta Habari ali aileetasie ene mu BIBILIOTEKE YA MU ENTERNETE ya Watchtower.

• Eevi ma referanse a maleembo aye amoneka mu JW Library, pakula kitabu Musaada wa Kutafuta Habari, kisia kine kwaaluka kya leenu pakula. Eevi upakule kitabu Musaada wa Kutafuta Habari, ingila mu JW Library, Index, kisia tika pa kitabu kyaakifumiiwa buleenu.