Bya Kukwasia Pa Kusambilila

Paanga Beelia Byutonene Kubambilapo Kusambilila

Fwe bonse tuli twapaanga nsita ituli kupisia mu lisambililo lyetu lya bunke. Kunti twabombia siani buino ozo musita? Kya kuanza, pisia musita utosiizie pa kintu kyuli mukusambilila. Kakiine weewe kunti wanoonkelamo saana kine wasambilila mpunda iniini wapoozeleko saana maano, kuliko kusambilila mpunda ingi lubilo-lubilo.

Kisia, paanga bintu byutonene kubambilapo. (Baef. 5:15, 16) Mona aza masoke:

• Soma Bibilia kila busiku. (Malum. 1:2) Kunti kyawaama kubambila pa seemu ya busomi bwa Bibilia bwa mu mulungu bupaangilue palua kulonghaana kwa mukati ka mulungu.

• Teania ntaanzi ya nsita Lisambililo lya Lupungu Lwakue Kamwenenena ni kulonghaana kwa mukati ka mulungu. Ikwinde kwiteania buino eevi ukabe kwasukapo.​—Malum. 22:22.

• Twapapaata, ikwinde kabili kusoma ni kumona byakulia binge bya kimupasi nga evelia, ma kazeeti a bantu bonse, ma viideo, ni mpunda ili yafumiiwa mu jw.org.

• Iibiikile mupaango wa kusambilila bintu byutonene kumana. Kunti wakebulula mpunda palua maavia auli mukupata, kiipuzio kyukebele kumana, ao lyasi limo lya Bibilia lyukebele kumana buino. Eevi umone vya kukita, endo mu jw.org mu seemu ilandile, “Mazoezi ya Kujifunza Biblia.”