Vya Kusipikizia Kine Wewe Wakitilua Bintu Bila Nsambu

Soma Kutendeka 37:23-28; 39:17-23 evi umane Yosefu vyaasipikiziizie musita lwaakitiilue bintu bila nsambu.

Toosia mpunda izyungulukiile lilembo. Juu ya ki bange baamukitiile Yosefu mu nzila isili ya nsambu? (Kut. 37:​3-11; 39:​1, 6-10) Yosefu waakitile musita walepele syani wali mukusipikizia kukitilua bintu bila nsambu? (Kut. 37:2; 41:46) Mu kekio kipindi, Yehova waamukitiile ki Yosefu, inzi Yehova taakitile syani?—Kut. 39:​2, 21; w23.01 17 lifu. 13.

Sambilila bingi. Bibilia te ilandile nangue Yosefu waabambile kwisakila musita lubaamubepeele nangue waasiile kumubaka muka Potifa. Aza malembo akonkelepo kunti atukwasia syani kutontonkania palua nsambu yaalengele pange Yosefu apingule kusyala sie wataleele? Kabili azo malembo kunti atukwasia syani kutontonkania juu ya ki te tupalile kuya twaswapiile kila kantu kalondololue? (Tus Maf. 20:2; Yoan. 21:25; Miil Bat. 21:37) Pange ni mibele ki yaamukwasiizie Yosefu asipikizie kukitilua bintu bila nsambu?—Mik. 7:7; Luk. 14:11; Yak. 1:2, 3.

Keba masomo awasambililapo. Iipuzie evi:

• ‘Pantu ndi musambi wakue Yesu, pange kunti nakitilua bintu bila nsambu mu nzila ki?’ (Luk. 21:12, 16, 17; Baeb. 10:33, 34)

• ‘Kunti naiteania syani evi nvinde kusipikizia bwino kine nakitilua bintu bila nsambu?’ (Malum. 62:7, 8; 105:17-19; w19.07-ZS lub. 2-7)