Bantu ba Kisinka Bali Bafikilizia Bilapo Byabo

Soma Bapinguzi 11:30-40 evi usambilile masomo amo kupitila lyasi lya ba Yefta pamo ni mwana wakue mwanakazi palua kufikilizia bilapo.

Sambilila milandu itangiile ni elia ikonkelepo. Baisraeli ba kisinka babanga bamona syani bintu bibabanga bamukitila Yehova? (Mpen. 30:2) Ba Yefta ni mwana wakue baalangiliile syani nangue babanga bamuketekeele Yehova?—Bap. 11:9-11, 19-24, 36.

Kebulula sana. Yefta waamukitiile Yehova kilapo ki, kabili kekio kilapo kibanga kyali na mana ki? (w16-04 6 lifu. 12) Ba Yefta ni mwana wakue baaipeele syani evi Yefta afikilizie kilapo kyakue? (w16.04 6-7 lifu. 14-16) Lelo, Bakristu kunti bakita bilapo ki bya mana kuli Yehova?—w17.04 5-8 lifu. 10-19.

Tontonkania vya kubombia belia biwasambilila. Iipuzie evi:

• ‘Kunti nakita ki evi nvinde kufikilizia kilapo kya kwipeela kuli Yehova?’ (w20.03 13 lifu. 20)

• ‘Mpalile kukita ki evi nvinde kumubombela sana Yehova?’

• ‘Ni kiki kili kunkwasia evi ntwalilile kufikilizia kilapo kyane kya kuya nali wa kisinka lyonse kuli wa kwane?’ (Mat. 19:5, 6; Baef. 5:28-33)