Teania Mutima obe

Musita utuli twasambilila Bibilia, tuli twatona mawazo akue Yehova akumie mutima wetu ao bumuntu bwetu bwa mukati. Ezra waatubiikiile mufuano uweme palua kekio. Wene “waateaniizie mutima wakue evi atoosie Muzilo wakue Yehova.” (Ezr. 7:10) Wewe kunti wateania syani mutima obe?

Uye wapepa. Lyonse, uye watendeka na lipepo ntanzi ya kutendeka kusambilila. Uye wamulomba Yehova akukwasie evi unvue ni kubombia belia byuli kusambilila.—Malum. 119:​18, 34.

Uye waikeefiizie. Leeza ali wabafiika kisinka baalia bali ni kibuli, kabili bali batontonkania nangue te bakabiile wene abakwasie evi bonvue Mulandu wakue. (Luk. 10:21) Te kuya wakebulula sie mpunda paleepale juu ya kubalangilila bange nangue wewe umanine bingi. Uye waalulula waikefiizie mawazo obe kine te apateene ni akue Leeza.

Uye watwilizia lwimbo lumo pakati ka nghimbo yetu ya Bukolo. Muziki uli wasangua ni buvinde bwa kulanda na mutima wetu, kabili uli watuteania ntanzi ya kunti tutendeke kumupupa Yehova. Kutwilizia lwimbo lumo pakati ka nghimbo ya Bukolo ntanzi ya kutendeka kusambilila, kunti kwakukwasia kuteania mutima obe.