Vya kukita eevi aza masomo a Bibilia akukwasie saana
Mulande muntu umo asambilile noobe: Muloombe olia wakikupeela eezi broshua mutendeke kusambilila Bibilia, ao loomba lisambililo kupitila kitente kyetu kya Enternete kya jw.org.
SEEMU YA KUANZA
Soma kila lifungu, pamo ni biipuzio bili mu miandiko ikata bili pa muulu pa kila lifungu (A) ni maleembo (B), bilangiliile paswetele bintu bikata. Mana nangue maleembo ange alandilue nangue “some.”
SEEMU YA PA BUKATA
Bulondolozi bwa kuanza (C) buli mu seemu ilandile TUKEBE SAANA bulangiliile bintu bikoonkelepo. Tumitue tuniini (D) tulangiliile bintu bikata bili kulandua. Soma maleembo, asuka biipuzio, kabili mona ni ma viideo (E).
Kenta ma foto wapoozeleko ni maano ni kusoma milandu ilondoluele ma foto (F), kabili tontonkania vya kwasuka mu seemu ilandile BANGE BALI BALANDA (G).
SEEMU YA KUPELEEZIA
Lisomo lili lyapeleezia na seemu ilandile MU KIFUPI pamo ni seemu Kunti Waasuka Siani? (H). Leemba busiku bumwapuilapo leelio lisomo. Mu seemu Ezianke Kukita Eevi (I) ili kukupeela miilo ya kunti ukite eevi utwalilile ni kusambilila ao kubombia beelia biuli mukusambilila. Mu seemu ilandile MANAKO NI BINGE (J) muli mpunda ya kunti usome ao kumona.
Vya kupata maleembo mu Bibilia
Maleembo, alangiliilue na kitabu kya Bibilia (A), katue (B), ni mulongo ao milongo (C). Kwa mufuano, Yoane 17:3 ilangiliile kitabu kya Yoane, katue ka 17, mulongo wa 3.