Yesu Kristu Naani?

1. Yesu Kristu wafumine pi?

Yesu waali wapuseene ni bantu baange. Ntaanzi ya kuvyalua paanu pa kyalo, waali waikeele ku muulu, waali kibumbua kya kimupasi. (Yoane 8:23) Weene wabumbilue waali wa kuanza, kabili waali wamukwasia Leeza kubumba bintu biinge byoonse. Weene sie, i wabumbilue na Leeza muine buunke. I sababu, Bibilia ili yalanda nangue weene i mwana wakue “lyonga,” ao wa buunke. (Yoane 1:14) Ali wakuutua kabili “Keebo” paantu weene i waali Mulanzi wakue Leeza. Yehova waali wamubonvia mu kutwala mpunda ku bibumbua biinge.​—Soma Tuswalo ni Mafunde 8:22, 23, 30; Bakolosai 1:15, 16.

2. Sababu ya ki Yesu waizile pa kyalo?

Leeza wamutumine Muana wakue pa kyalo. Wakusiizie bukose bwakue ni kububiika mu kavumo kakue mukaziana Muyaudi wali wasungile kisungu, wakuutua Maria. Yesu taali wakuete baba wa pa kyalo. (Luka 1:30-35) Waizile pa kyalo eevi: 1) kusambilizia kisinka palwakue Leeza, 2) kutulangilila mufuano wa kukita kutona kwakue Leeza atasie kine tuli mu maavia ni 3) kupeela bukose bwakue bupwililikile ‘kunti alubwilemo.’​—Soma Mateo 20:28.

3. Sababu ya ki tuli ni lazima ya kilubula mulandu?

Kilubula mulandu mana yakue ni bei ili yalipua eevi kumukombola muntu akebele kwipaiwa. (Kufuma 21:29, 30) Leenu, tuli mukukota kabili tuli mu kufua. Inzi Leeza taatonene kiye kyali evio ku bantu. Eba, twamana siani? Leeza wamulandile muntu wa kuanza Adamu nangue kine waandua kumukindika, waakafua. I kulanda nangue, kabeenge Adamu wakindikile ao kabeenge taakitile lizaambi nga taafuile. (Kutendeka 2:16, 17; 5:5) Bibilia ili yatubuila nangue lufu ‘lwaletelue’ mu kyalo kupitila Adamu. Wabasiliileko baana bakue boonse lizaambi ni malipizi a lizaambi leelio, ikulanda nangue nfua. Kakiine, tuli ni lazima ikata ya kilubula mulandu eevi tulubuke mu misa ya lufu lutwasiliilue kuli Adamu.​—Soma Baroma 5:12; 6:23.

Naani wasiile kuviinda kulipa kilubula mulandu ni kutulubula kufuma mu lufu? Kine wafua, walipila sie mazaambi oobe. Te kuli muntu asipwililikile ali kuviinda kulipa kilubula mulandu kya mazaambi a baange.​—Soma Malumbo 49:7-9.

4. Sababu ya ki Yesu wafuile?

Yesu tabaanga waali nga fwefue, paantu weene waali wapwililikile kabili tanakitepo lizaambi. Kansi, kine Yesu wafuile, wafuiliile mazaambi a baange. Leeza walaangiliile nangue abatonene saana bantu, paantu wamutumine muana wakue pa kyalo eevi atufuile. Yesu ni weene, walangiliile nangue waali watutonene, paantu wamunvuile Baba wakue ni kufumia bukose bwakue palua mazaambi eetu.​—Soma Yoane 3:16; Baroma 5:18, 19.

5. Yesu ali mukukita ki leenu?

Musita Yesu luabaanga wali pa kyalo, wakosiizie baluele, wafufuile bafuile, kabili wabakwasiizie bantu baali ni maavia. Musita lwakitile evio, walangiliile beelia byali wakakitila bantu baalia bali bamukindika Leeza musita uli waiza. (Mateo 15:30, 31; Yoane 5:28) Kisia kufua, Leeza wamufufuile wali kibumbua kya kimupasi. (1 Petro 3:18) Kisia, waaikeele ‘ku kuboko kulio kwakua Leeza’ wapembeele mpaka musita Leeza lwali wakamupeela buviinde bwa kuteeka kyalo kyoonse. (Baebrania 10:12, 13) Leenu, ni Likolo ku muulu. Basambi bakue bali mukusimikila eezi mpunda iweeme mu kyalo kyoonse.​—Soma Danieli 7:13, 14; Mateo 24:14.

Leenu sie, Yesu wakaba kubonvia buviinde bwakue bwa bukolo eevi akabe kupwisia maavia ni balia boonse bali baaleta maavia aazo. Baalia boonse bamuketekeele ni kumutuilizia bakeekala loonse mu paradiso paanu pa kyalo.​—Soma Malumbo 37:9-11.