Bintu bya Kwimwena

Kulangilila Nkumbu ku Bantu Bonse

Busiku bumo nkazi umo wa mu Nouvelle-Zélande waamwene viideo ilandile, “Muhangaikiane.” Ezio viideo ilandiile Yehova vyali waunvuilana nkumbu ni kuilangilila. (Is. 63:​7-9) Waapinguile kubombia beelia byaasaambiliile ni kukeba nzila ya kukwasia muntu unge. Kisia musita, bolia bwenka busiku, lwaali wasita saasa, waasaakeene ni mwanakazi umo asibanga wakwete fuasi ya kwikala, kisia waamulandile nangue abanga wakebele kuya kumusitila kyakulia. Olia mwanakazi waaitabiile. Lwaamuleteele kyakulia, waamusimikiile mu kifupi kupitila kubombia trakti ilandile, Kunti Kyakitika Aza Masaanzo Akapue Kisinka Busiku Bumo?

Ozo mwanakazi waatendekele kulila. Waamubuilile nangue baviazi bakue babanga bali Bakasininkizia, kabili baamusambiliziizie kisinka, inzi weene taakitile buyantanzi. Kisia, waamwanine olia nkazi nangue abanga wamuloomba Yehova amukwasie eevi amubuelele. Olia nkazi waamupeele olia mwanakazi Bibilia, kabili waaunvuene nakue eevi batendeke kusambilila Bibilia.a

Nga evelia Yehova, ni fwefue kunti twabalangilia bange kumbu, kubiika mukati ni bantu ba mu lupua lwetu pamo ni ba lupua ni ba nkazi ba mu kilonghaano. Kabili, kunti twalangilila mibeele ya nkumbu kupitila kusimikilako bange palwakue Yehova.