Bantu ba Kimupasi Bali Bakwata Bupinguzi bwa Mulangue

Soma Kutendeka 25:29-34 eevi umane kine Esau ni Yakobo baakwete bupinguzi bwa mulangue.

Sambilila bingi kupitila kutoosia mpunda izyungulukiile lileembo. Ni kiki kyaakitikile ntanzi ya paapo? (Kut. 25:20-28) Ni kiki kyaakitikile kisia paapo?—Kut. 27:1-46.

Sambilila bingi kupitila kutoosia mpunda iniini-iniini. Mu ezio nsiku, ni nsaambu ki yaali yaapeelue libeli, kabili ni biki byaali waloombelue kukita?—Kut. 18:18, 19; w10-SW 1/5 13.

• Eba, lyonse ezio nsaambu yaali yabiika mukati kwaluka babu wakue Masia? (w17.12-ZS 14-15)

Keba masomo awasambililapo ni kuabombia. Juu ya ki Yakobo waamwene nsaambu ya kuvyalua kuya yakindeeme kupusana ni vyamwene Esau? (Baeb. 12:16, 17; w03-SW 15/10 28-29) Yehova waabamwene siani babo bantu babili ba mu lupua lumo, kabili juu ya ki? (Mal. 1:2, 3) Ni kiki kyaali kyapalile kukita Esau eevi akwate bupinguzi buweeme kukila bolia bwaakwete?

• Iipuzie eevi: ‘Kunti nakita siani eevi kulangilila nangue ndi natasia palua bintu bya kimupasi mu bintu bindi nakita kila mulungu, nga evelia musita undi napaanga lupupo lwa mu lupua?’